2 Tesalonika 2:15 - Porjanjian Boharu Torjomahan Baso Dilakng Soari-ari

¹⁵ Obai nantai am, boko somadikan, totap pocayo agatn kuat ajaran inyo udah koi sampaian boi' molalu'i pomandiran damo pan molalu'i boko surat.

2 Tesalonika 2:15 ပူးပေါင်းရင်းမြစ်များ

1 Korintus 11:2

Aku momuji kaitn obai kaitn hala moingant aku. Aku pan momuji kaitn obai kaitn hala monuruti boko ajaran inyo komai udah ku sampaian ko kaitn.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

2 Tesalonika 2:2

oca' kaitn co bingung huatan tokonyant aman kaitn mondinga' borito obai Tuhatn udah datakng. Mungkitn ado urakng inyo mongatoan borito nantai doi' Allah damo mungkitn borito nantai doi' pomandiran damo doi' surat. Apotolagi' mungkitn borito nantai doi' koi.

1 Korintus 16:13

Jagocam diri kaitn! Huatan hala pocayo ko Yesus. Totap ja' borani huatan kuat pocayo ko Tuhatn.

Filipi 4:1

Obai nantai, boko somadikan inyo ku kasihi, kaitn gola' totap kuat pocayo agatn Yesus. Aku togonangan kaitn somuo. Kaitn mombulahku sonang-nyamanam. Aku sonang obai kaitn ia'an hasil polayatanku samo sama'an mahkota inyo ku dapat.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

Roma 16:17

Boko somadikan. Aku kotakng muhun ko kaitn oca' kaitn boboi'cam agatn boko urakng inyo honda' bulah popocahan di antaro kaitn. Sia' honda' oca' kaitn monjadi sosat. Ajaran sia' bolawatan agatn ajaran inyo udah ditorima' kaitn. Jangan tuyut sia'!

Yudas 1:3

Boko somadikan inyo ku kasihi! Kito samo-samo disolamant'an huatan aku bondar-bondar honda' monulis ko kaitn mongona'i nantai. Apo, aku mooso gola' monulis ko kaitn pakai' monguat'an kopocaya'an kaitn. Agatn sama'an nian, aku honda' oca' kaitn totap bojuakng mompotahatan iman kito, ia'an boko ajaran bondar inyo udah disampaian ko boko urakng husus umputn Allah.

2 Tesalonika 3:14

Aman ado urakng inyo kinyo mongikuti boko ajaran koi dalapm surat ni'in, pontiat'ancam sopo io. Jangan bokawal agatn io oca' io monjadi malu obai kosalahannyo nantai.

Titus 1:9

Io pan gola' bobondar pocayo Kabar Boi' inyo kito ajaran ko io, ia'an ajaran inyo bondar huatan ulih dipocayo. Io gola' bobondar pocayo tohadap ajaran nantai oca' io mampu momadahi ongko moonji'i somangant ko urakng bukai pakai' monaati ajaran inyo bondar nantai. Io gola' bobondar pocayo oca' io pan ulih monunju'an ko urakng inyo molawatn ajaran nantai, obai sia' salah.