2 Tesalonika 2:13 - Porjanjian Boharu Torjomahan Baso Dilakng Soari-ari

^13-14 Apo, boko somadikan, Tuhatn mongasihi kaitn. Koi bosukur ko Allah obai kaitn. Cucu' koi bosukur obai Allah momilih kaitn. Doi' mulonyo, Allah momilih kaitn oca' kaitn disolamant'an. Koi momboritoan Kabar Boi' inyo bondar ko kaitn. Ongko kaitn pocayo borito nantai. Roh Allah jam hala bulah kaitn mongkitn suci. Nianam caro kaitn ditingkau ongko disolamant'an oca' kaitn bodapat bagian doi' kohormatan Yesus Kristus, Tuhatn kito.

2 Tesalonika 2:13 ပူးပေါင်းရင်းမြစ်များ

Lukas 1:75

monyombah Sio huatan hala monjouhan diri doi' dosa, ongko molabuhan hal inyo boi' di hadapan Tuhatn, soumur hidup kito.”

Yohanes 1:1

Mulonyo, sobolupm la'apo pan dipulah, ado Sio inyo disobut ‘Pandir Allah’. Pandir nantai bosamo agatn Allah. Pandir nantai jam samo agatn Allah.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Kisah Boko Rasul 13:48

Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

Roma 8:33

Kito umant pilihan Allah inyo udah Sio pulah monjadi bondar di hadapan-Nyo. Jadi, conyiant ado urakng inyo ulih monyalahan kito.

Roma 9:11

Allah bopandir ko Ribka, “Ana' inyo kojula'an tajahan monjadi hulutn ana' inyo kobunsuan.” Allah momilih Yakub sobolupm koduo bobia' nantai dilahiran, sobolupm sia' molabuhan lapopan inyo boi' damo inyo jahat. Allah molabuhan nantai oca' jolas obai Sio momilih urakng bukai sosuai agatn porbuatan sia', apo sosuai agatn kohonda' Sio siku'.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

Kolose 1:5

Kaitn pocayo huatan mongasihi obai kaitn yakitn moharap'an somuo inyo disodiaan pakai' kaitn di sorugo. Kaitn udah mondinga' mongona'i nantai dalapm Kabar Boi' inyo bondar

Kolose 3:12

Obai nantai, hidupcam agatn caro inyo boharu. Kaitn nantai boko urakng inyo dipilih Allah, pakai' umputn Sio inyo husus huatan dikasihi-Nyo. Jadi, jadicam urakng inyo mongasihi, boi' hati, rondah hati, lomah-lombut, huatan sabar.

1 Tesalonika 1:4

Boko somadikan inyo dikasihi Allah, koi pan tohu obai Allah udah momilih kaitn somuo pakai' monjadi umant-Nyo.

1 Tesalonika 2:12

Koi hala momadahi ongko hala monguat'an hati kaitn huatan mominto oca' kaitn hidup monyonangan hati Allah. Obai Sio moningkau kaitn pakai' monjadi warga Korajaan-Nyo huatan bodapat komulia'an-Nyo.

1 Tesalonika 4:7

Allah kinyo moningkau kito pakai' hidup dalapm dosa molaki-mbini bolupm dipojadi. Sio moningkau kito oca' kito hidup mongkitn suci.

1 Tesalonika 5:9

Kito gola' molabuhan nantai, obai Allah momilih kito oca' kito co kona' hukupan-Nyo. Sio momilih kito oca' kito disolamant'an molalu'i la'apo inyo dikorojoan Yesus Kristus, Tuhatn kito.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

2 Tesalonika 2:10

Io momakai somuo macapm caro inyo jahat pakai' monyosat'an boko urakng huatan paca'an bohasil mongontumbuki sia' inyo paca'an bonaso. Sia' kinyo paca'an disolamant'an obai sia' co honda' pocayo Kabar Boi' inyo bondar mongona'i Yesus.

2 Tesalonika 2:12

Allah molabuhan nantai oca' somuo urakng kinyo pocayo Kabar Boi' inyo bondar huatan somuo urakng inyo sonang agatn boko hal inyo jahat dihukupm.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

2 Timotius 2:15

Bousahacam oca' Allah moanggap kolai siku' urakng inyo rajitn bokorojo. Jadicam siku' urakng pogai inyo kinyo gola' malu obai somuo pokoroja'annyo boi'. Ajarancam agatn topat ajaran inyo bondar.

2 Timotius 3:15

Kolai gola' hala pocayo nantai jam obai, tangga'i kolai ija' kocit, kolai bolajar Buku Suci. Buku Suci mampu bulah kolai mongoroti mongona'i kosolamant'an molalu'i kopocaya'an ko Kristus Yesus.

Ibrani 1:10

Allah pan bopandir dinga' ni'in mongona'i Ana'-Nyo, “Doi' mulonyo, oi Tuhatn, Duatn mombulah bumi. Duatn mombulah langit agatn jari Duatn siku'.

Yakobus 1:18

Sosuai agatn hajat Sio, Sio moonji'i kosompatan ko kito pakai' mondinga'an Kabar Boi' inyo bondar. Obai nantaiam kito pocayo, lalu kito monjadi boko poana'an Sio. Sio molabuhan nantai oca' kito monjadi boko urakng inyo doholu doi' antaro somuo inyo dipulah-Nyo. Samo sama'an boko buah inyo potamo doi' hasil hanyianinyo di onju' ko Allah obai husus umputn Sio.

1 Yohanes 4:10

Ninam kasih nantai, bukainyo kito inyo udah mongasihi Allah, apo Allah inyo udah mongasihi kito: Sio moutus Ana'-Nyo pakai' mati oca' kito dapat dibebasan doi' hukupan dosa.

1 Yohanes 4:19

Kito gola' mongasihi, obai Allah lobih doholu mongasihi kito.