2 Tesalonika 2:12 - Porjanjian Boharu Torjomahan Baso Dilakng Soari-ari

¹² Allah molabuhan nantai oca' somuo urakng kinyo pocayo Kabar Boi' inyo bondar huatan somuo urakng inyo sonang agatn boko hal inyo jahat dihukupm.

2 Tesalonika 2:12 ပူးပေါင်းရင်းမြစ်များ

Markus 14:11

Timpu sia' mondinga' nantai, sia' kotakan rindakng bondar lalu bojanji paca'an moonji'i duit ko io. Jadi, io mula'i bogoyap kosompatan inyo boi' pakai' monyorahan Yesus ko sia'.

Markus 16:16

Boko urakng inyo kinyo pocayo paca'an di hukupm. Apo, boko urakng inyo pocayo huatan dibaptis paca'an disolamant'an.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Roma 1:32

Monurut porintah Allah, somuo urakng inyo hidup sama'an nantai paca'an dihukupm mati. Biar pan sia' udah mongotohu'i nantai, sia' totap molabuhan boko hal inyo jahat nantai. Kinyo haja' ongkah nantai apo sia' jam sotuju aman urakng bukai molabuhannyo.

Roma 12:9

Kaitn somuo gola' bobondar mongasihi urakng bukai. Jangan bayo pompadah. Kaitn gola' bonci' agatn inyo jahat ongko molabuhan inyo boi'.

Roma 2:8

Apo Allah paca'an godi huatan mohukupm urakng inyo momontikan diri siku' huatan kinyo honda' monaati ajaran inyo bondar, apo honda' monuruti inyo jahat.

1 Korintus 13:6

Urakng inyo mongasihi nantai ia'an urakng inyo kinyo rindakng obai urakng bulah kojahatan. Apo io rindakng obai kobondaran.

1 Tesalonika 5:9

Kito gola' molabuhan nantai, obai Allah momilih kito oca' kito co kona' hukupan-Nyo. Sio momilih kito oca' kito disolamant'an molalu'i la'apo inyo dikorojoan Yesus Kristus, Tuhatn kito.

2 Tesalonika 2:10

Io momakai somuo macapm caro inyo jahat pakai' monyosat'an boko urakng huatan paca'an bohasil mongontumbuki sia' inyo paca'an bonaso. Sia' kinyo paca'an disolamant'an obai sia' co honda' pocayo Kabar Boi' inyo bondar mongona'i Yesus.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

3 Yohanes 1:11

Somadikanku inyo tokasih, jangannam monumpakng boko hal inyo jahat. Tumpakngcam inyo boi'. Urakng inyo bulah koboi'an, io boasal doi' Allah. Apo urakng inyo bulah kojahatan, io co kalo mongonal Allah.