2 Tesalonika 1:8 - Porjanjian Boharu Torjomahan Baso Dilakng Soari-ari

⁸ Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

2 Tesalonika 1:8 ပူးပေါင်းရင်းမြစ်များ

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Yohanes 3:19

Hukupan nantai tojadi obai ni'in: Torakng udah datakng ko dunia. Apo monsio lobih sonang agatn golap daripado torakng. Sia' lobih sonang agatn golap obai boko porbuatan sia' jahat.

Yohanes 8:19

Jadi, sia' bopandir ko Sio, “Di mono kironyo Bopai Duatn?” Timbas Yesus, “Kaitn co mongonal Aku damo Bopai-Ku. Soandainyo, kaitn bobondar mongonal Aku, pasti kaitn mongonal Bopai-Ku jam.”

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Roma 10:16

Apo, kinyo somuo monsio monuruti Kabar Boi' nantai. Samo sama'an pomandiran nabi Yesaya: “Tuhatn, sopo inyo pocayo ko kabar koi?”

Roma 15:18

Aku co borani bopandir momuji diriku mongona'i lapo ja' inyo bukai, bayo mongona'i lapo inyo Kristus kona'an ko aku pakai' molabuhannyo. Ia'an nantai, Sio momakai aku pakai' mombimbikng boko urakng inyo bukainyo urakng Yahudi oca' sia' monjadi taat ko Allah. Sio momakai pomandiranku ongko porbuatanku pakai' molabuhan nantai.

Roma 16:26

Apo watu ni'in Allah inyo hidup kokal udah monyiuh oca' roncana-Nyo dipadahan, ia'an roncana-Nyo inyo udah ditulis dalapm boko buku nabi. Agatn ubo nantai, hajat Allah diboritoan ko somuo banso oca' sia' pocayo ongko monaati-Nyo.

Roma 6:16

Kaitn tontu tohu ni'in: aman kaitn monyorahan diri kaitn ko siku' urakng huatan monaati io, boroti kaitn ia'an hulutn urakng nantai. Kaitn ulih monjadi hulutn dosa ongko akibatnyo kaitn paca'an mati socaro rohani. Damo kaitn ulih monaati Allah agatn akibatnyo kaitn paca'an bulah inyo bondar.

1 Korintus 15:34

Jadi, kaitn gola' bopikir agi' agatn boboi'. Jangan hala bulah dosa! Aku mongatoan nantai obai ado di antaro kaitn inyo kinyo bondar-bondar mongonal Allah. Aku honda' oca' kaitn mooso malu mongona'i nantai.

2 Korintus 10:5

Musuh koi mombaba' ajaran inyo salah. Apo, koi mongalahan somuo nantai. Urakng inyo buhau bulah pagar inyo kotakan tinggi inyo mohalaki monsio mongonal Allah. Apo koi morobahan somuo nantai. Urakng ado pikiraninyo kinyo boi'. Apo, koi monangkap somuo pikiran nantai ongko mongajar oca' monsio monaati Kristus.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Galatia 4:8

Apo komai, kaitn bolupm ado hubukan agatn Allah. Kaitn monyombah boko duato inyo kinyo bondar. Kaitn monjadi boko hulutn boko duato nantai.

1 Tesalonika 4:5

Jangan biaran diri kaitn dikuaso'i hawa napsu sama'an boko urakng inyo kinyo mongonal Allah.

Ibrani 10:27

Kito bayo monanti hukupan doi' Allah, ia'an api inyo honggur inyo tajahan mombonasoan somuo urakng inyo molawatn Sio!

Ibrani 10:30

Pasti urakng sama'an nantai tajahan kotakng nontu dihukupm obai kito tohu Allah bopandir, “Akunam inyo bohak mombalas. Akuam inyo tajahan mohukupm!” Ado jam pomandiran ni'in, “Tuhatn tajahan mohakipi umat-Nyo.”

Ibrani 11:8

Obai Abrahapm pocayo, jadi io monaati Allah. Timpu nantai, Allah moningkau io botula' ko nogori inyo nononyo tajahan dionju' Allah ko io ongko koturutannyo. Abrahapm kinyo tohu tompat tujuannyo, apo io totap botula'.

Ibrani 12:29

Obai, Allah kito ia'an api inyo moloburan.

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

1 Petrus 1:2

Allah, Bopai kito, momilih kaitn sosuai agatn roncana-Nyo. Roh Allah mombulah kaitn monjadi borosih doi' dosa oca' kaitn monaati Yesus Kristus. Allah molabuhan nantai jam oca' kaitn ulih monorima' hasil doi' darah Yesus Kristus inyo dicurahan ko kaitn watu Sio mati di kayu salib. Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah.

1 Petrus 3:6

Samo sama'an Sara. Io monaati lakinyo, Abrahapm, huatan moningkau io habakngnyo. Kaitn ulih dianggap poana'an Sara, aman kaitn bulah koboi'an huatan co mooso gola' agatn la'apo pan.

1 Petrus 4:17

Ni'in, udah tuntukam watu Allah mohakipi somuo urakng. Sio mula'i agatn kito, ia'an boko urakng husus umputn Sio siku'. Aman ubo nantai, lapo inyo tajahan tojadi ko boko urakng inyo co pocayo Kabar Boi' doi' Allah? Pasti sia' pan paca'an dihukupm.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

Wahyu 20:10

Rajo Sitatn inyo monipu sia' nantai, paca'an ditikapan ko dalapm loutan api ongko bolerang, tompat bonatakng ongko nabi palsu nantai. Sia' somuo paca'an disiksa siakng-malapm pakai' somanah-manahnyo.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 6:10

Dalapm poniant'anku, sia' tongahan moningkau kotakan borakng, “Oh, Tuhatn Inyo Maho Kuaso, Inyo Kudus ongko Inyo Bondar! Ija' apo manahnyo sampai Duatn paca'an mohakipi ongko mohukupm boko urakng inyo mombunuh koi?”