2 Tesalonika 1:7 - Porjanjian Boharu Torjomahan Baso Dilakng Soari-ari

⁷ Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

2 Tesalonika 1:7 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Matius 26:64

Timbas Yesus, “Ubo kato kaitn nam. Apo porotian ja' ni'in! Mula'i doi' watu ni'in, kaitn paca'an moniant Ana' Monsio, dudu' di tompat inyo tohormat disopia' kanan Allah Inyo Kotakan Bokuaso. Kaitn paca'an moniant-Nyo datakng doi' sorugo di pucu' boko awatn.”

Markus 14:62

Timbas Yesus, “Aku nam io nantai. Kaitn paca'an moniant ana' Monsio dudu' di tompat inyo tohormat di sopia' kanan Allah Inyo kotakan bokuaso. Nononyo, kaitn pan paca'an moniant Io datakng di pucu' boko awatn di langit.”

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Lukas 16:25

Apo Abrahapm bopandir, ‘Ana'ku, ingant watu di dunia, kolai monorima' hidup inyo boonsu'an apo Lazarus monorima' hidup inyo ajab sonsaro. Ni'in, io sonang apo kolai ajab sonsaro.

Lukas 17:30

Koadaan dunia paca'an ubo nantai jam timpu Ana' Monsio datakng ko dunia ni'in agi'.

Yohanes 1:3

Allah mombulah somuo la'apo pan molalu'i Sio. Conyiant Sio, conyiant ado la'apo pan inyo ulih dipulah.

Yohanes 1:51

Lalu Yesus bopandir, “Bondar-bondar pocayo cam! Kaitn paca'an moniant langit tobuka', lalu boko molekat Allah turutn noi' ko ‘Ana' Monsio.’ ”

Kisah Boko Rasul 1:11

Koduo urakng nantai bopandir, “Oi boko urakng doi' doerah Galilea. Jangan kaitn ija' bodiritn di si'itn, monongadah ko langit. Kaitn udah moniant Yesus noi' ko sorugo doi' antaro kaitn. Nononyo, Sio paca'an datakng agi' agatn caro inyo samo ubo nantaiam.”

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Roma 8:17

Nah, aman kito ni'in poana'an-Nyo, jadi kito pan tajahan monorima' somuo borokat inyo Sio sodia'an pakai' poana'an-Nyo. Samo sama'an Kristus mondapat'an borokat doi' Allah, kito pan tajahan mondapat'an borokat. Masudnyo, aman kito mondorita' samo sama'an Kristus, kito tajahan monorima' kohidupan inyo mulia samo sama'an Sio jam.

1 Korintus 3:13

Pokoroja'an somuo urakng nantai paca'an diuji agatn api pado ari ponghakipan. Pado watu nantai paca'an dikotohu'i agatn jolas apobai hasil pokoroja'an sotiap urakng nantai boi' damo cado.

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

Efesus 1:2

Aku bodoa oca' Allah Bopai kito huatan Tuhatn Yesus Kristus monunju'an kasih karunia ongko moonji'i sonang-asau ko kaitn.

Kolose 1:16

Obai, somuo hal dipulah dalapm Sio, Ia'an somuo hal di sorugo huatan di bumi, somuo hal inyo kotiat'an agatn kinyo kotiat'an, tomansu' somuo kuaso, koraja'an, pomorintah. Somuo hal dipulah molalu'i Sio huatan pakai' Sio.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Ibrani 10:27

Kito bayo monanti hukupan doi' Allah, ia'an api inyo honggur inyo tajahan mombonasoan somuo urakng inyo molawatn Sio!

Ibrani 12:29

Obai, Allah kito ia'an api inyo moloburan.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Ibrani 4:11

Obai nantai, mara kito bousaha oca' kito ulih mansu' ko dalapm tompat torahat nantai. Jangan sampai ado urakng di antaro kito inyo culih mansu' obai io tuyut toladatn sia' doi' joman komai inyo kinyo taat ko Allah.

Ibrani 4:9

Apo, obai Allah bopandir mongona'i ari nantai, jadi ija' ado ari torahat ari inyo kotujuh inyo paca'an datakng nononyo pakai' umant Allah.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

Wahyu 1:7

Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!

Wahyu 14:10

somuo urakng nantai paca'an dihukupm borat kinyo kurakng. Samo sama'an sia' minum anggur inyo molambakan ponggodi Allah. Anggur nantai kotakng koras, co dicampur agatn ara'i dalapm cangkir Allah. Sia' paca'an disiksa dalapm api huatan bolerang di pohadapan mato boko molekat Allah huatan di pohadapan mato Ana' Domba.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

Wahyu 21:4

Sio paca'an mohapus somuo ara'i mato doi' mato sia'. Boko urakng kinyo paca'an mati agi', kinyo paca'an bulikng agi', kinyo paca'an monangis agi', kinyo paca'an mooso kompodihan agi'. Obai, boko hal inyo manah nantai udah dihilakanam.”

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”

Wahyu 22:6

Lopas nian, molekat nantai bopandir ko aku, “Boko pomandiran ni'in bondar huatan ulih dipocayo'i. Tuhatn Allah inyo moonju' Roh-Nyo ko boko nabi. Sio udah moutus molekat-Nyo pakai' monunju'an ko boko urakng inyo molayati Sio mongona'i boko hal inyo gola' paca'an tojadi.”

Wahyu 22:9

Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai ongko boko somadikan kolai boko nabi ongko somuo urakng inyo monuruti somuo posatn dalapm buku ni'in. Sombah Allah aja'am.”

Wahyu 6:11

Boko urakng inyo dibunuh siku'-monyiku' dionji'i jubah putih. Sia' diboritohu pakai' torahat agatn sabar sotogal agi'. Obai ija' ado boko somadikan inyo molayati Yesus inyo paca'an dibunuh, samo sama'an sia'. Sia' gola' monanti sampai jumlah urakng nantai udah diponuhi.