2 Tesalonika 1:6 - Porjanjian Boharu Torjomahan Baso Dilakng Soari-ari

⁶ Memang bondar Allah hala moadili monsio agatn adil. Sio paca'an mohukupm sia' inyo mondorako'i kaitn.

2 Tesalonika 1:6 ပူးပေါင်းရင်းမြစ်များ

Kolose 3:25

Sio paca'an mohukupm sotiap urakng inyo bulah kosalahan. Sio kinyo poduli urakng nantai pontikng kata'an cado.

Wahyu 6:10

Dalapm poniant'anku, sia' tongahan moningkau kotakan borakng, “Oh, Tuhatn Inyo Maho Kuaso, Inyo Kudus ongko Inyo Bondar! Ija' apo manahnyo sampai Duatn paca'an mohakipi ongko mohukupm boko urakng inyo mombunuh koi?”

Wahyu 19:2

Pujicam Sio obai Sio mohakipi agatn bondar huatan adil. Sio udah mohukupm kota inyo bosar nantai. Kota nantai samo sama'an lahukng inyo morusa'an dunia agatn dosa bomporajoan. Lahukng nantai jam mombunuh boko urakng inyo molayati Allah agatn jarinyo siku'. Apo, Allah udah mohukupm io pakai' mombalas porbuatan jahat nantai.”

Wahyu 18:20

(Ui kaitn somuo di sorugo! Sonang-nyamancam! Ui kaitn boko urakng kudus, boko rasul, huatan boko nabi! Sonang-nyamancam! Obai, Allah udah mohukupm kota nantai sosuai agatn porbuatannyo inyo jahat agatn kaitn).

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Wahyu 11:18

Somuo banso udah godi. Apo ni'in ponggodi Duatn udah datakam. Watunyo udah datakng pakai' mohakipi boko urakng mati. Watunyo udah datakng pakai' moonji'i upah ko boko nabi inyo molayati Duatn, ko boko urakng pocayo, somuo sia' inyo mohormati Duatn, boko urakng inyo pontikng huatan co pontikng. Watunyo udah datakng pakai' mombonasoan boko urakng inyo mombonasoan bumi.”

Wahyu 18:24

(Kota nantai dihukupm obai io mombunuh boko nabi huatan boko urakng umant husus umputn Allah. Darah sia' huatan darah doi' somuo urakng inyo dibunuh di bumi kotomuan di dalapm io.)

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.