2 Tesalonika 1:5 - Porjanjian Boharu Torjomahan Baso Dilakng Soari-ari

⁵ Nantaiam butinyo obai Allah moadili monsio agatn adil. Kaitn dianggap cucu' monjadi warga Koraja'an Allah. Nianam alasan kaitn ajab sonsaro obai kaitn hidup di Koraja'an Allah nantai.

2 Tesalonika 1:5 ပူးပေါင်းရင်းမြစ်များ

Lukas 20:35

Apo urakng inyo udah dipilih Allah, sia' paca'an hidup di sorugo. Sia' kinyo tajahan kawitn agi'.

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Roma 8:17

Nah, aman kito ni'in poana'an-Nyo, jadi kito pan tajahan monorima' somuo borokat inyo Sio sodia'an pakai' poana'an-Nyo. Samo sama'an Kristus mondapat'an borokat doi' Allah, kito pan tajahan mondapat'an borokat. Masudnyo, aman kito mondorita' samo sama'an Kristus, kito tajahan monorima' kohidupan inyo mulia samo sama'an Sio jam.

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Filipi 1:28

Jangan gola' tohadap boko urakng inyo molawatn kaitn ubo nantai. Nantai monjadi tando bagi sia' obai sia' tajahan bonaso. Nantai jam monjadi tando bagi kaitn obai kaitn tajahan disolamant'an. Somuonyo nantai doi' Allah.

Kolose 1:12

inyo kaitn labuhan agatn rindakng-rigah huatan bosukur ko Allah Bopai. Sio inyo bulah kaitn cucu' mondapat'an sobagi'an doi' somuo inyo disodiaan Allah. Ia'an, somuo inyo Sio sodia'an pakai' umant-Nyo di Korajaan-Nyo inyo torakng.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

2 Tesalonika 1:11

Obai Allah mombalas somuo urakng agatn adil, koi hala mondoa'an kaitn. Koi bodoa oca' Allah moanggap kaitn cucu' pakai' ditingkau-Nyo. Koi pan bodoa oca' kuaso Allah monulukng kaitn pakai' molabuhan somuo inyo kaitn labuhan. Koi pan bodoa oca' Allah moonji'i kokuatan pakai' molabuhan somuo inyo kaitn labuhan obai pocayo ko Yesus.

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Wahyu 16:7

Lalu aku mondinga' saro doi' mesbah bopandir, “Oi, Tuhatn Allah inyo Maho Kuaso. Duatn mohakipi urakng agatn bondar huatan adil.”

Wahyu 19:2

Pujicam Sio obai Sio mohakipi agatn bondar huatan adil. Sio udah mohukupm kota inyo bosar nantai. Kota nantai samo sama'an lahukng inyo morusa'an dunia agatn dosa bomporajoan. Lahukng nantai jam mombunuh boko urakng inyo molayati Allah agatn jarinyo siku'. Apo, Allah udah mohukupm io pakai' mombalas porbuatan jahat nantai.”

Wahyu 3:4

Apo ado boboropo urakng doi' jomaat di Sardis inyo hidup borosih doi' dosa. Sia' bopakaian putih huatan paca'an bojalatn bosamo-samo agatn Aku, obai sia' cucu' pakai' nantai.