2 Petrus 3:4 - Porjanjian Boharu Torjomahan Baso Dilakng Soari-ari

⁴ Sia' tajahan bopandir, “Yesus udah bojanji Sio paca'an bobali' datakng agi'. Apo pomandiran-Nyo nantai kinyo bondar obai sampai watu ni'in Sio bolupm datakng. Tangga'i boko bopai kito mati, somuonyo totap samo aja'. Conyiant inyo borubah tangga'i dunia ni'in dipulah.”

2 Petrus 3:4 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Matius 24:28

Watu nantai tojadi, pasti somuo urakng paca'an tohu.”

Matius 24:48

Apo, soumpamonyo hulutn tontai jahat, io paca'an bopandir di dalapm hatinyo,

Markus 10:6

Padohal, doi' mulonyo, Allah mombulah monsio, ia'an lolaki ongko botina'.

Markus 13:19

Obai, watu ari nantai tajahan tojadi siksaan inyo kotakng borat. Siksaan ubo nantai bolupm kalo tojadi doi' mulo Allah mombulah dunia ni'in sampai watu ni'in ongko co kalo tajahan tojadi agi'.

Lukas 12:45

Apo, soumpamonyo kopala' boko hulutn nantai bopikir, ‘Habakngku udah manah kinyo datakng. Pasti ija' manah. Jadi la'apo inyo ku labuhan kinyo kotohuan.’ Lalu io mula'i momantu hulutn inyo bukainyo, boi' lolaki boi' pan inyo botina'. Io pan makatn, minum, sampai komabu'an.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

1 Tesalonika 2:19

Koi kotakan togonang honda' botomu kaitn obai kaitn bulah koi bangga huatan rindakng-rigah, timpu kodatakan Yesus.

2 Petrus 3:12

Kaitn gola' hidup sama'an nantai kapikng kaitn monanti arinyo Allah paca'an datakng. Agatn sama'an nian, kaitn mombulah ari nantai copat datakng. Pado ari nantai, langit paca'an lobur dicucul api. Somuo hal inyo ado di langit paca'an lobur obai hangantnyo api nantai.

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.