2 Petrus 3:2 - Porjanjian Boharu Torjomahan Baso Dilakng Soari-ari

² Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

2 Petrus 3:2 ပူးပေါင်းရင်းမြစ်များ

Yudas 1:17

Apo, kaitn, boko somadikanku inyo ku kasihi, ingant cam pomandiran inyo komai udah dipadahan ko kaitn doi' boko rasul Yesus Kristus, Tuhatn inyo bokuaso.

2 Petrus 2:21

Sia' kalo mongonal caro hidup inyo bondar inyo disampaian ko sia'. Apo, watu ni'in sia' monula' boko porintah doi' Allah nantai. Lobih boi' pakai' sia' aman sia' kinyo kalo ulih mongonal nantai.

Lukas 1:70

Topat ubo inyo dijanjian Allah. Janji inyo disampaian boko nabi pilihan Allah.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Efesus 2:20

Kaitn samo sama'an rumah inyo ditinjakan di pucu' pondasi batu, ia'an boko rasul ongko boko nabi, huatan Kristus Yesus nantai sobagai batu inyo kotakng pontikng.

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Kisah Boko Rasul 3:21

Apo Yesus gola' bodiapm di sorugo holu'ai. Sio paca'an datakng agi', watu Allah bulah dunia monjadi boharu. Allah udah bojanji mongona'i hal nantai. Janji-Nyo ditulis boko nabi-Nyo watu joman komai.

Kisah Boko Rasul 3:18

Apo agatn caro nantai, Allah monopat'i pomandiran-Nyo inyo udah disampaian ko boko nabi watu joman komai. Boko nabi nantai udah monulis obai Rajo Inyo Dijanjian Allah nantai gola' ajab sonsaro sampai mati.

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

1 Yohanes 4:6

Apo, koi boasal doi' Allah. Urakng inyo mongonal Allah, monorima' ajaran koi. Urakng inyo co boasal doi' Allah, kinyo monorima' ajaran koi. Ubo nianam caronyo kito mongotohu'i pobedaan roh inyo ado di urakng nantai ia'an Roh Allah inyo monunju'an somuo inyo bondar ongko roh bukai inyo mombaba' ajaran kinyo bondar.

2 Petrus 3:15

Kaitn gola' sadar obai alasan Tuhatn kito sabar ia'an obai Sio moonji'i urakng kosompatan pakai' disolamant'an. Somadikan kito inyo ku kasihi, Paulus, pan udah monulis surat ko kaitn mongona'i nantai. Io monulis nantai agatn hikmat inyo Allah onju' ko inyo.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Efesus 3:5

Pado joman komai, Allah kinyo momandiran roncana-Nyo nantai ko monsio. Apo watu ni'in, Sio momakai Roh-Nyo pakai' momadahannyo ko boko rasul ongko boko nabi inyo Sio pilih husus pakai' molayati Sio.

1 Timotius 6:14

Labuhancam porintah nantai agatn kotakng boi' sampai watu Yesus Kristus, Tuhatn kito bobali' datakng agi'.

2 Petrus 3:16

Dalapm somuo suratnyo, Paulus monulis mongona'i hal nantai. Memang dalapm boko suratnyo nantai ado boko hal inyo uyuh dimongoroti sampai ado boko urakng momutarbali'an hal nantai sosuai agatn pikiran sia' siku'. Apo sia' ia'an urakng inyo kinyo mongoroti huatan kinyo kuat pocayo. Sia' molabuhan hal nantai agatn boko hal inyo ditulis hulutn Allah inyo bukainyo jam. Obai nantai, sia' sikuꞌ moakibat'an kobinasoan sia' mo.