2 Petrus 3:18 - Porjanjian Boharu Torjomahan Baso Dilakng Soari-ari

¹⁸ Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

2 Petrus 3:18 ပူးပေါင်းရင်းမြစ်များ

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 5:23

Bopai molabuhan nantai oca' somuo urakng mohormati Ana' samo sama'an sia' mohormati Sio. Sopo ja' inyo co mohormati Ana', boroti io kinyo mohormati Allah Bopai inyo moutus-Nyo.

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Efesus 1:17

Aku bodoa ko Allah Tuhatn kito Yesus Kristus, Allah Bopai inyo mulia, oca' Sio moonji'i Roh-Nyo ko kaitn inyo mombulah kaitn bohikmat huatan mongonal Sio kotakng dalapm agi'.

Efesus 4:15

Apo kito pocayo agatn kuat ajaran inyo bondar huatan agatn hati inyo mongasihi urakng bukai. Agatn sama'an nantai, kito botumbuh monjadi samo sama'an Kristus, pomimpitn kito. Sio samo sama'an kopala'

Filipi 3:8

Malahan aku moanggap la'apo pan conyiant ado rotinyo dibandikan agatn mongonal Kristus Yesus, Tuhatnku. Nantai jouh lobih pontikng daripado somuo hal inyo bukai. Nantaiam sobabnyo aku co boharap agi' ko boko hal nantai. Aku moanggap somuo hal nantai samo sama'an sampah oca' aku ulih mongonal Kristus,

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Kolose 3:10

Kaitn udah hidup agatn caro boharu. Allah inyo bulah hidup kaitn inyo boharu nantai. Sio hala bulah sipat kaitn samo sama'an Sio. Sio molabuhan nantai oca' kaitn bondar-bondar konal agatn Sio.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.

2 Petrus 1:2

Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah-limpah, obai kaitn mongonal Sio ongko Yesus, Tuhatn inyo bokuaso ko kito.

2 Petrus 1:3

Ninam caronyo Sio moningkau kito: Sio monunju'annyo ko kito obai Sio bokuaso huatan luar biaso boi' oca' kito dapat mongonal Sio. Obai nantai, Sio udah momakai kuaso-Nyo sobagai Allah pakai' dionju' ko kito boko sosuatu inyo dipontikan pakai' hidup inyo monyonangan Sio.

2 Petrus 1:8

Aman kaitn mongkitn hala molabuhan somuo nantai, jadi kaitn kinyo sia-sia mongonal Kristus, ia'an Yesus, Tuhatn kito.

2 Petrus 2:20

Doi' komai, sia' hidup di babah kuaso dosa. Apo, lopas nantai sia' ulih mongonal Yesus Kristus, Ponyolamant huatan Tuhatn inyo bokuaso pucu' kito. Obai nantai, sia' ulih tolopas doi' kuaso dosa nantai. Apo, watu ni'in sia' udah bobali' tokobat hidup sama'an nantai. Jadi, koadaan sia' watu ni'in lobih buru' doi' sobolupmnyo.

Yudas 1:25

Allah monyolamant'an kito molalu'i porbuatan Yesus Kristus, Tuhatn inyo bokuaso di pucu' kito. Allahnam inyo mulia, bosar, kuat, huatan bokuaso sobolupm dunia dipulah, sampai watu ni'in huatan pakai' somanah-manahnyo. Amin!

Wahyu 1:6

Sio bulah kito monjadi sobuah banso, boko imam inyo molayati Allah, Bopai-Nyo. Yesusnam inyo mulia ongko bokuaso somanah-manahnyo. Amin!