2 Petrus 3:17 - Porjanjian Boharu Torjomahan Baso Dilakng Soari-ari

¹⁷ Apo kaitn, boko somadikan inyo ku kasihi, kaitn udah mongotohu'i mongona'i hal nantai. Jadi, bojojagocam tohadap boko urakng nantai inyo kinyo honda' hidup sosuai agatn porintah Allah. Jangan sampai sia' mombulah kaitn pocayo ajaran inyo salah sampai kaitn kinyo agi' pocayo kuat ko Yesus Kristus.

2 Petrus 3:17 ပူးပေါင်းရင်းမြစ်များ

Matius 16:11

Kuba'annyo kaitn udah mongorotiam! Aku co bopandir ko kaitn mongona'i roti. Apo jagocam diri kaitn tohadap ragi doi' boko urakng Farisi huatan boko urakng Saduki.”

Matius 16:6

Yesus bopandir ko sia', “Jagocam diri kaitn tohadap ragi doi' boko pomimpitn agama Yahudi, doi' kolompok Farisi huatan doi' kolompok Saduki.”

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

1 Korintus 10:12

Obai nantai, urakng inyo moanggap dirinyo kuat pocayo gola' boboi'. Jangan sampai io jatu' dalapm dosa.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

Galatia 5:4

Aman kaitn bousaha bulah diri kaitn monjadi bondar di hadapan Allah agatn caro monaati Hukupm Torat, rotinyo kaitn momotusan hubukan agatn Kristus. Agatn ubo nian kaitn monula' koboi'an Allah.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Filipi 3:2

Boboi'cam tohadap boko urakng inyo mongajaran obai urakng gola' disunant pakai' monjadi umant Allah. Sia' jahat ongko bobohayo sama'an kudu' liar.

Kolose 2:5

Biar pan aku co nyiant bosamo agatn kaitn, apo hatiku ado di antaro kaitn. Aku sonang mondinga' obai kaitn hidup agatn toatur huatan kuat pocayo ko Kristus.

Kolose 2:8

Boboi'cam jangan ado urakng inyo mongontumbuki kaitn agatn ajaran inyo kinyo boguno, ajaran inyo salah. Boko ajaran nantai doi' pondapat monsio, doi' boko roh inyo bokuaso di dunia ni'in, kinyo doi' Kristus.

2 Timotius 4:15

Apo kolai pan gola' boboi' agatn io nantai, obai io kotakng molawatn ajaran kito.

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

1 Petrus 5:9

Jadi, kaitn gola' totap pocayo kokuat pakai' molawatn Rajo Sitatn nantai. Obai, kaitn tohu obai boko somadikan soiman di soluruh dunia mondorita' jam samo sama'an kaitn jam.

2 Petrus 2:7

Apo, pado watu nantai, Allah monyolamant'an Lot doi' hukupan nantai. Lot ia'an urakng inyo hidup bondar di hadapan Allah. Lot hala mondorita'dalapm hatinyo obai io moniant caro hidup boko urakng di boko kota nantai. Sia' kinyo honda' hidup sosuai agatn porintah Allah. Sia' ongkah moikuti hawa napsu inyo jahat.

2 Petrus 3:1

Boko somadikan inyo ku kasihi, ni'in udah surat inyo koduo, inyo ku tulis ko kaitn. Di dalapm koduo surat nantai, aku bousaha monyadaran kaitn pakai' bopikir agatn caro inyo bondar.

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.