2 Petrus 3:16 - Porjanjian Boharu Torjomahan Baso Dilakng Soari-ari

¹⁶ Dalapm somuo suratnyo, Paulus monulis mongona'i hal nantai. Memang dalapm boko suratnyo nantai ado boko hal inyo uyuh dimongoroti sampai ado boko urakng momutarbali'an hal nantai sosuai agatn pikiran sia' siku'. Apo sia' ia'an urakng inyo kinyo mongoroti huatan kinyo kuat pocayo. Sia' molabuhan hal nantai agatn boko hal inyo ditulis hulutn Allah inyo bukainyo jam. Obai nantai, sia' sikuꞌ moakibat'an kobinasoan sia' mo.

2 Petrus 3:16 ပူးပေါင်းရင်းမြစ်များ

Matius 15:3

Apo timbas Yesus ko sia', “Hibo kaitn molanggar porintah Allah, bayo ongkah honda' jumpat adat baso angki-bayatn kaitn.

Matius 15:6

Kaitn bopandir aman ado urakng inyo molabuhan nantai, lalu io kinyo gola' mohormati indai bopainyo agi'. Jadi, agatn caro jumpat adat istiadat kaitn nantai, lalu kaitn moanggap pomandiran Allah kinyo gola' ditaati agi'.

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

Filipi 3:19

Ponjadi'nyo, boko urakng nantai tajahan bonaso. Sia' hidup monuruti kohonda' tubuh sia' siku' daripado hidup monuruti kohonda' Allah. Sia' bangga mongona'i boko porbuatan sia' inyo jahat inyo soharusnyo mombulah sia' malu. Sia' bayo bopikir mongona'i boko hal di dunia ni'in mo.

Ibrani 5:11

Ija' banya' hal inyo honda' koi pandiran ko kaitn mongona'i Yesus sobagai Imam Agukng. Apo boko hal nantai uyuh di jolasan obai kaitn co honda' mongoroti.

1 Petrus 1:1

Surat ni'in doi' aku, rasul Petrus, inyo diutus Yesus Kristus. Surat ni'in pakai' boko urakng inyo dipilih Allah inyo tongahan morantau di doerah Pontus, Galatia, Kapadokia, Asia Kocit huatan Bitinia.

1 Petrus 2:8

“Nantai am ‘Batu bulah sia' topanjur.’ Batu inyo bulah sia' tokorahap.” Sia' topanjur ko batu nantai obai sia' kinyo monaati Pomandiran Allah. Nantaiam inyo udah ditontuan Allah pakai' sia'.

2 Petrus 2:1

Apo, pado joman komai ado boko nabi palsu jam di antaro boko urakng inyo pocayo ko Allah. Samo sama'an nantai, di antaro kaitn paca'an ado boko guru palsu. Sia' paca'an monipu urakng agatn boko ajaran salah inyo mombonasoan urakng. Malah sia' paca'an monyangkal Tuhatn Yesus inyo bokuaso atas sia', padohal Sio inyo udah monobus oca' sia' dapat dibebasan doi' hukupan dosa sia'. Obai porbuatan sia' siku' nantai, jadi sia' paca'an copat bonaso.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

2 Petrus 3:14

Obai nantai, boko somadikanku inyo ku kasihi, kapikng kaitn monanti pakai' somuo hal nantai tojadi, kaitn gola' bousaha oca' kaitn ado hubukan boi' agatn Allah. Kaitn gola' hidup agatn caro nantai oca' Sio moniant kaitn kinyo bodosa apo hidup suci di hadapan-Nyo.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

Yudas 1:4

Obai, ado boko urakng totontu inyo molawatn Allah. Nyatonyo, sia' udah mansu' dalapm kolompok kaitn inyo co urakng bukai sadar obai sia' kinyo bondar-bondar pocayo ko Yesus. Sia' mongatoan Allah kito kinyo paca'an mohukupm urakng obai Sio boi' hati. Sia' gunoan pomikiran inyo salah nantai oca' sia' ulih mongosihan boko kohonda' bukakng-tubuh sia' inyo jahat. Sia' jam monula' obai Yesus Kristus ia'an satu-satunyo Tuhatn inyo bokuaso dipucu' kito. Doi' komai, udah ditulis obai sia' paca'an dihukupm.