2 Petrus 2:21 - Porjanjian Boharu Torjomahan Baso Dilakng Soari-ari

²¹ Sia' kalo mongonal caro hidup inyo bondar inyo disampaian ko sia'. Apo, watu ni'in sia' monula' boko porintah doi' Allah nantai. Lobih boi' pakai' sia' aman sia' kinyo kalo ulih mongonal nantai.

2 Petrus 2:21 ပူးပေါင်းရင်းမြစ်များ

Lukas 12:47

Hulutn inyo udah mongotohu'i kohonda' habakngnyo, apo kinyo molabuhannyo, co siap pakai' mohimpa'inyo, io tajahan dihukupm kotakng borat.

Yohanes 15:22

Aku udah datakng monyampaian ko sia' pomandiran inyo bondar doi' Allah. Apo sia' co pocayo ko aku. Soandainyo Aku co molabuhan nantai, jadi sia' co bodosa. Apo watu ni'in sia' conyiant ado alasan agi' pakai' dosa sia'.

Yohanes 9:41

Timbas Yesus agatn sia', “Soandainyo kaitn buto, kaitn co bodosa. Apo kaitn mongatoan kaitn ulih moniant. Jadi, ija' ado dosa kaitn.”

Roma 7:12

Jadi, Hukupm Torat boasal doi' Allah huatan somuo porintah-Nyo nantai suci, bondar huatan boi'.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

1 Timotius 6:14

Labuhancam porintah nantai agatn kotakng boi' sampai watu Yesus Kristus, Tuhatn kito bobali' datakng agi'.

Ibrani 10:26

Obai, aman kito songajo bulah dosa lopas kito monorima' ajaran inyo bondar, jadi conyiant kurbatn posombahan agi' inyo ulih mohapus dosa nantai.

Yakobus 4:17

Kaitn udah mongotohu'i la'apo inyo boi'. Jadi, urakng inyo udah mongotohu'i nantai, apo co molabuhannyo, urakng ubo nian bodosa.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

Yudas 1:3

Boko somadikan inyo ku kasihi! Kito samo-samo disolamant'an huatan aku bondar-bondar honda' monulis ko kaitn mongona'i nantai. Apo, aku mooso gola' monulis ko kaitn pakai' monguat'an kopocaya'an kaitn. Agatn sama'an nian, aku honda' oca' kaitn totap bojuakng mompotahatan iman kito, ia'an boko ajaran bondar inyo udah disampaian ko boko urakng husus umputn Allah.