2 Petrus 2:17 - Porjanjian Boharu Torjomahan Baso Dilakng Soari-ari

¹⁷ Boko guru palsu nantai ia'an samo sama'an mato ara'i inyo rangkai, samo sama'an agatn kabut inyo ditiup ulih angin bonakau. Allah udah monyodia'an tompat pakai' sia' inyo kotakan potakng.

2 Petrus 2:17 ပူးပေါင်းရင်းမြစ်များ

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Yudas 1:6

Ado boko molekat jam inyo kalo dihukupm Tuhatn. Boko molekat nantai molewati batasan kuaso inyo udah ditontuan pakai' sia'. Sia' botula' doi' tompat sia' bodiapm. Ongko, sia' dirantai pakai' somanah-manahnyo. Tuhatn monawatn sia' di tompat inyo kotakan potakng-hiru' sampai ari Ponghakipan nononyo.

2 Petrus 2:4

Ingantcam! Pas watu ado boko molekat inyo mombulah dosa, Allah kinyo mombebasan sia' doi' hukupan. Sio monikapan sia' ko dalapm noraka. Sia' dirantai di santai dalapm potakng sampai ari Ponghakipan nononyo.

Matius 25:30

Nah, mongona'i hulutn inyo co boguno nantai. Buakan ja'am io koluar ko tompat inyo kotakng potakng. Di siatn boko urakng paca'an monangis huatan bokorit gigi obai sangant ajab sonsaro.’ ”

Matius 22:13

Lalu, rajo nantai bopandir ko boko hulutnnyo, ‘Kobat kaki huatan longan urakng ni'in. Buakancam io ko tompat inyo kotakan potakng. Somuo urakng di santai paca'an monangis ongko bokorit gigi obai kotakan mondorita'.’ ”

Matius 8:12

Apo soharusnyo urakng inyo mansu' ko dalapm Koraja'an nantai paca'an dibuakan ko noraka. Di santai sia' paca'an monangis huatan gorit'an gigi obai kotakng ajab sonsaro.”

Ibrani 12:18

Boko somadikan, kaitn kinyo datakng mohadapi lou' sama'an inyo di hadapi ulih banso Israel pado watu sia' monorima' pojanjian manah. Sia' datakng ko Gunung Sinai. Gunung nantai biaso mo, ulih ditiat ongko dicama'. Timpu sia' di su'utan, ado api inyo bonyalo-nyalo, ado sanjo-mondakng, arinyo monjadi potakng, ongko ado angin bonakau.