2 Petrus 2:10 - Porjanjian Boharu Torjomahan Baso Dilakng Soari-ari

¹⁰ hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

2 Petrus 2:10 ပူးပေါင်းရင်းမြစ်များ

Lukas 11:25

Watu io sampai ko urakng nantai, io monomu'i urakng nantai samo ubo rumah inyo borosih huatan toatur.

Lukas 19:14

Lopas jadi bangsawatn nantai botula', boko urakng di nogorinyo bonci' agatn io, monyiuh boko utusan nantai mombodapan oca' monyampaian posatn ko kopala' ponguaso di su'utn. Kato sia', ‘Koi bolai' urakng ni'in monjadi rajo koi.’

Kisah Boko Rasul 23:5

Timbas Paulus, “Boko somadikan, aku co tohu io nantai Imam Agukng. Memang ado porintah di dalapm Buku Suci: Jangan kolai mohayam pomimpitn banso kolai.”

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

2 Korintus 10:3

Memang koi ija' hidup di dunia ni'in. Apo koi co bojuakng agatn caro monsio.

Efesus 4:19

Sia' kinyo tohu malu. Agatn sama'an nantai, sia' hala monjumpati kohonda' bukakng-tubuh huatan bulah somuo macapm dosa bomporajoan sokohonda' hati sia'.

Efesus 5:5

Kotohu'i cam ni'in: urakng inyo bulah dosa bomporajoan, urakng inyo bulah boko hal inyo kinyo sonunuh, urakng inyo kaha'-kolobu' (kaha'-kolobu' nantai rotinyo monjadian boko kohonda'-Nyo samo sama'an tuhatn sia'), somuo sia' kinyo ulih monjadi anggota Koraja'an Kristus huatan Allah.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

1 Tesalonika 4:7

Allah kinyo moningkau kito pakai' hidup dalapm dosa molaki-mbini bolupm dipojadi. Sio moningkau kito oca' kito hidup mongkitn suci.

2 Timotius 3:2

Boko urakng paca'an mondoholuan kohonda' diri sia' siku'. Sia' paca'an kaha'-kolobu' agatn duit. Sia' paca'an buhau, hala moninggian diri, hala mohayam urakng bukai, hala co monaati urakng tuho sia'. Sia' co tohu botorima' kasih, co honda' hidup mohormati Allah.

Titus 1:7

Siku' urakng pongawas jomaat bokorojo moatur Rumah Allah. Obai niannam, io gola' hidup bujur bondar. Io culih buhau. Io culih copat godi damo urakng inyo pomabu'. Io culih gala' bokolohi damo gala' ngontumbuki urakng oca' mondapat'an untukng.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.

Yudas 1:10

Apo boko urakng totontu nantai mohayam boko hal inyo kinyo sia' kotohu'i. Sia' bayo monjumpati boko kohonda' bukakng samo sama'an bonatakng liar inyo kinyo boakal. Boko hal nantai inyo mombulah sia' bonaso.

Yudas 1:16

Boko urakng nantai ongkah botuta', gala' moncari-cari kosalahan urakng. Sia' dikuaso'i kohonda' bukakng inyo jahat. Sia' buhau momuji diri. Apo sia' pan momuji-muji urakng bukai oca' bodapat kountukan pakai' diri sia' siku'.

Yudas 1:18

Kato boko rasul nantai, “Timpu ahir joman, paca'an ado boko urakng inyo hala mohayam kaitn. Boko urakng nantai dikuaso'i kohonda' bukakng inyo jahat.”

Yudas 1:4

Obai, ado boko urakng totontu inyo molawatn Allah. Nyatonyo, sia' udah mansu' dalapm kolompok kaitn inyo co urakng bukai sadar obai sia' kinyo bondar-bondar pocayo ko Yesus. Sia' mongatoan Allah kito kinyo paca'an mohukupm urakng obai Sio boi' hati. Sia' gunoan pomikiran inyo salah nantai oca' sia' ulih mongosihan boko kohonda' bukakng-tubuh sia' inyo jahat. Sia' jam monula' obai Yesus Kristus ia'an satu-satunyo Tuhatn inyo bokuaso dipucu' kito. Doi' komai, udah ditulis obai sia' paca'an dihukupm.