2 Petrus 1:7 - Porjanjian Boharu Torjomahan Baso Dilakng Soari-ari

⁷ Lopas nantai pan, kaitn gola' mongasihi boko somadikan kaitn bukai inyo pocayo. Kotakan toahir, kaitn gola' mongasihi somuo urakng.

2 Petrus 1:7 ပူးပေါင်းရင်းမြစ်များ

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Kolose 3:14

Inyo palikng pontikng doi' somuo sipat nantai ia'an samo mongasihi. Kasih nantai bulah kito monjadi satu huatan monjadi sompurna.

1 Tesalonika 3:12

Koi pan bodoa oca' Tuhatn bulah kaitn hala mongasihi huatan kasih nantai mongkitn botambah-tambah sampai bokolobihan. Koi pan bodoa oca' Tuhatn bulah kaitn mongkitn mongasihi somuo urakng samo sama'an koi mongkitn mongasihi kaitn.

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

Ibrani 13:1

Kaitn gola' totap hala mongasihi sobagai boko urakng inyo bosomadikan dalapm Tuhatn.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

1 Petrus 2:17

Hormati cam somuo urakng, kasihi cam boko somadikan kaitn inyo sosamo pocayo, gola' cam agatn Allah, ongko hormati jam rajo.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.

1 Yohanes 3:16

Apo kito udah mongotohu'i caro pakai' mongasihi urakng bukai doi' contoh ni'in: Yesus Kristus monyorahan hidup-Nyo pakai' monyolamant'an kito. Jadi, kito pan gola' rela monyorahan hidup kito pakai' boko somadikan kito.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.