2 Petrus 1:20 - Porjanjian Boharu Torjomahan Baso Dilakng Soari-ari

²⁰ Inyo kotakan pontikng kaitn gola' kotohu'i nianam: Roti doi' pomandiran boko nabi dalapm Buku Suci culih dirotian sokohonda' hati siku'.

2 Petrus 1:20 ပူးပေါင်းရင်းမြစ်များ

Roma 12:6

Allah monunju'an kasih-Nyo, moonji'i komampuan husus inyo bobeda ko kito masikng-masikng. Aman ado urakng inyo dionji'i komampuan husus pakai' monyampaian posatn doi' Allah, io gola' molabuhan nantai sosuai agatn kopocaya'annyo.

Roma 13:11

Kaitn gola' molabuhan somuo nantai obai kaitn mongotohu'i joman ni'in ninam boko ari toahir. Ari pakai' kito disolamant'an udah mongkitn dampikam. Jadi, kaitn gola' siap huatan bulah koboi'an samo sama'an urakng inyo huas tidu'.

Roma 6:6

Kito tohu obai caro hidup kito inyo manah udah mati samo sama'an dibunuh di kayu salib bosamo Kristus. Nantai tojadi oca' kuaso dosa dalapm diri kito ulih dihancuran. Agatn sama'an nian, kito kinyo agi' monjadi hulutn dosa.

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

2 Timotius 3:16

Soluruh Buku Suci ado obai bimbikan Allah. Obai nantai, somuo inyo ditulis di santai sangant boguno. Buku Suci boguno pakai' mongajar boko hal inyo bondar, pakai' moolikan urakng doi' kosalahan, pakai' mongomboi'i caro hidupnyo huatan pakai' monunju'an caro hidup inyo bondar dihadapan Allah.

Yakobus 1:3

Kaitn ulih sonang-nyaman obai kaitn mongotohu'i ni'in: Kito moalapi poncoba'an inyo mouji kito apobai kito paca'an totap pocayo ko Yesus kata'an cado. Aman kito totap pocayo, jadi kito monjadi urakng inyo mongkitn ulih botahatn mohadapi poncoba'an.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.