2 Petrus 1:19 - Porjanjian Boharu Torjomahan Baso Dilakng Soari-ari

¹⁹ Obai nantai, koi monjadi lobih yakitn agi' obai pomandiran boko nabi mongona'i Kristus bondar. Soboi'nyo kaitn pan gola' mondinga'an pomandiran boko nabi. Pomandiran nantai paca'an mombimbikng kaitn ko jalatn inyo bondar samo sama'an cohayo pompolitoan di tompat inyo potakng, sampai matoari moncara' ongko bintakng timur, ia'an Kristus, bosinar dalapm hati kaitn.

2 Petrus 1:19 ပူးပေါင်းရင်းမြစ်များ

Matius 4:16

Banso inyo hidup dalapm potakng, udah moniant Torakng inyo bosar huatan torakng udah timbul pakai' sia' inyo hidup dalapm bayakng-bayakng komatian.”

Yohanes 5:35

Yohanes samo sama'an pompolitoan inyo bonyalo huatan bocohayo. Kaitn sonang monorima' cohayonyo nantai apo bayo somontaro mo.

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Yohanes 8:12

Yesus bopandir agi' ko urakng banya'. Kato-Nyo, “Aku ninam torakng dunia. Sotiap urakng inyo tuyut Aku, io co paca'an bojalatn di kompotakan, apo io paca'an ado torakng pakai' kohidupannyo.”

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Ibrani 2:2

Obai soandainyo, Pomandiran Allah inyo disampaian boko molekat ko boko angki-bayatn kito ija' joman komai tonyato bondar sampai boko urakng inyo kinyo monurutinyo dihukupm sosuai agatn porbuatan sia',

Yakobus 2:8

Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.

1 Petrus 1:10

Boko nabi udah monyolidiki, mongona'i kosolamant'an nantai. Sia' udah momadahannyo doi' komai mo obai Allah tajahan monunju'an koboi'an-Nyo ko kaitn agatn caro monyolamant'an kaitn.

1 Yohanes 5:10

Urakng inyo pocayo ko Ana' Allah, boroti io pocayo agatn kosasian Allah nantai dalapm hatinyo. Apo urakng inyo co pocayo agatn kosasian nantai, boroti io moanggap Allah bulah kotumbukan. Obai, io kinyo pocayo agatn kosasian Allah mongona'i Ana'-Nyo.

3 Yohanes 1:6

Sia' udah momadahannyo di pohadapan jomaat di si'itn mongona'i kasih kolai. Watu ni'in aku muhun kolai pakai' hala monulukng sia' oca' sia' ulih monorusan pojalatan sia'. Labuhancam nantai agatn caro inyo monyonangan hati Allah.

Wahyu 2:28

Ko boko urakng inyo monang, Aku jam paca'an moonju' bintakng timur.

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”