2 Petrus 1:17 - Porjanjian Boharu Torjomahan Baso Dilakng Soari-ari

^17-18 Koi ado bosamo agatn Sio di pucu' bukit inyo suci. Watu Allah Bopai-Nyo mohormati ongko momuliaan Sio. Allah inyo kotakan Bokuaso mongatoan, “Ninam Ana'-Ku inyo Ku kasihi. Io monyonangan hati-Ku.” Koi siku' mondinga' saro Allah doi' sorugo nantai.

2 Petrus 1:17 ပူးပေါင်းရင်းမြစ်များ

Matius 12:18

“Ninam Urakng inyo molayati Aku. Aku udah momilih Sio. Aku mongasihi Sio. Sio monyonangan hati-Ku. Aku paca'an moonji'i Roh-Ku ko Sio. Huatan Sio paca'an momboritoan ko somuo banso obai Aku paca'an molabuhan koadilan.

Matius 17:3

Colanant kotigo murid-Nyo nantai moniant Nabi Musa ongko Nabi Elia tongahan bopandir agatn Yesus.

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Markus 1:11

Lalu kodinga'an saro Allah doi' sorugo momadahan, “Kolainam Ana'-Ku inyo Ku kasihi. Kolainam monyonangan hati-Ku.”

Markus 9:7

Lopas nantai, ado awatn datakng monungkau'i sia'. Ongko Allah bopandir doi' dalapm awatn nantai, “Ninam Ana'-Ku inyo kotakng kokidah Ku. Pondinga'ancam Io!”

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 14:11

Kaitn gola' pocayo pomandiran-Ku ni'in: Aku bosatu agatn Bopai, huatan Bopai bosatu agatn Aku. Aman kaitn co pocayo pomandiran-Ku, sotidaknyo kaitn gola' pocayo obai somuo mujisat inyo Aku labuhan.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 17:21

Aku bodoa oca' sia' monjadi satu samo agatn Duatn di dalapm Aku huatan Aku di dalapm Duatn, oi Bopai. Agatn ubo nian sia' monjadi satu agatn Kito oca' boko urakng di dunia pocayo obai Duatam inyo udah moutus Aku.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Yohanes 3:35

Allah, Bopai mongasihi Ana'-Nyo. Allah udah moonju' ko Sio kuaso dipucu' la'apo pan.

Yohanes 5:20

Obai, Bopai mongasihi Ana'. Sio monunju'an la'apo pan inyo Sio labuhan ko Io. Malah, Sio paca'an monunju'an ko Ana'nyo boko porbuatan inyo lobih hebat agi', jadi nononyo kaitn paca'an hiratn.

Yohanes 5:26

Obai, Bopai moonji'i kuaso ko Ana' pakai' moonji'i hidup, samo sama'an Sio ado kuaso pakai' moonji'i hidup.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Yohanes 6:39

Ninam kohonda' Sio inyo udah moutus Aku: ia'an oca' somuo urakng inyo dionju' ko aku paca'an Ku hidupan agi' di ahir joman. Jangan ado siku' pan urakng doi' sia' inyo kinyo solamant.

Roma 15:6

Lalu, agatn satu hati ongko satu saro, kaitn bosamo-samo ulih momuji Allah, Bopai doi' Yesus Kristus, Tuhatn inyo bokuaso dipucu' kito.

2 Korintus 1:3

Topuji cam Allah, ia'an nantai Bopai doi' Yesus Kristus, Tuhatn kito. Sio nam Bopai inyo kotakan mongasihi. Sio nam Allah inyo hala monguat'an hati kito.

2 Korintus 11:31

Allah ia'an Bopai doi' Tuhatn kito, Yesus, topuji sampai somanah-manahnyo. Sio tohu obai aku co bulah kotumbukan.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

2 Yohanes 1:3

Allah Bopai ongko Ana'-Nyo, Yesus Kristus paca'an monunju'an koboi'an-Nyo, monunju'an kasih sayang-Nyo, ongko moonji'i sonang-asau ko kito inyo hidup dalapm kobondaran ongko hala mongasihi.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.