2 Petrus 1:16 - Porjanjian Boharu Torjomahan Baso Dilakng Soari-ari

¹⁶ Koi udah momadahannyo ko kaitn mongona'i kuaso Yesus Kristus, Tuhatn kito ongko mongona'i kodatakan-Nyo ko dunia ni'in. Nantai bukainyo kisah inyo dipulah-pulah boko monsio. Koi moniant agatn mato koi siku' obai Sio mulia.

2 Petrus 1:16 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Matius 17:1

Onam ari lopas nantai, Yesus noi' ko sobuah bukit inyo tinggi. Sio bayo mombaba' Petrus, Yakobus ongko Yohanes somadikan Yakobus oca' sia' sonsiku'an bosamo agatn Sio di su'utn.

Matius 24:27

Obai watu Ana' Monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah doi' timur huatan bosinar sampai ko barat. Ubo nianam kodatakan ‘Ana' Monsio.’

Matius 24:3

Lopas nantai Yesus botula' ko bukit Jaitun. Boko murid-Nyo datakng honda' bopandir agatn Sio. Kato sia', “Tulukng padahan ko koi, sombilo somuonyo nantai paca'an tojadi. Boko tando la'apo inyo monunju'an watu Duatn datakng agi' ko dunia ni'in? Boko tando la'apo inyo monunju'an ahir joman?”

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Markus 13:26

Timpu nantai, boko urakng tajahan moniant Ana' Monsio datakng di pucu' awatn. Io tajahan monunju'an kuaso huatan komulia'an-Nyo.

Markus 14:62

Timbas Yesus, “Aku nam io nantai. Kaitn paca'an moniant ana' Monsio dudu' di tompat inyo tohormat di sopia' kanan Allah Inyo kotakan bokuaso. Nononyo, kaitn pan paca'an moniant Io datakng di pucu' boko awatn di langit.”

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 17:2

Bopai udah moonji'i kuaso ko io di pucu' somuo urakng. Duatn molabuhan nantai oca' Io ulih moonji'i kohidupan kokal ko somuo urakng inyo pocayo ko io, ia'an somuo urakng inyo Duatn onju' ko io.

1 Korintus 1:17

Kristus co moutus aku pakai' mombaptis urakng. Apo, Kristus moutus aku pakai' momboritoan Kabar Boi'. Timpu aku momboritoan Kabar Boi', aku co momakai kopandaian bopandir bodasaran akal monsio. Agatn sama'an nian, kuaso doi' komatian Kristus di kayu salib kinyo sia-sia.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.

1 Korintus 1:7

Jadi, kaitn co nyiant kokurakan la'apo pan dalapm komampuan husus inyo dionju' Roh Allah. Somontaro kaitn monantian kodatakan Yesus Kristus, Tuhatn kito. Somuo urakng paca'an moniant Sio.

1 Korintus 2:1

Boko somadikan, aku bulah sama'an nantai jam timpu aku datakng ko kaitn. Aku kinyo momakai boko kato-pandir inyo hebat pakai' momboritoan mongona'i hajat Allah inyo komai kinyo dikotohu'i monsio. Aku pan kinyo momakai kopintar-corodi'an monsio timpu nantai.

1 Korintus 2:4

Watu aku momboritoan Kabar Boi', aku kinyo momakai kopintar-corodi'an monsio pakai' moyakit'an kaitn oca' monjadi urakng pocayo. Apo aku momboritoan agatn caro inyo monunju'an obai Roh Allah bokuaso.

1 Korintus 5:4

Timpu kaitn bokumpul dalapm damo Yesus, Tuhatn kito, watu nantai jam, hati aku ado bosamo kaitn. Jadi, watu nantai, hukupmcam urakng nian agatn kuaso Yesus, Tuhatn kito.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Filipi 3:21

Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.

1 Tesalonika 2:19

Koi kotakan togonang honda' botomu kaitn obai kaitn bulah koi bangga huatan rindakng-rigah, timpu kodatakan Yesus.

2 Tesalonika 2:9

Apo sobolupm Yesus bobali', Rajo inyo kotakng jahat nantai paca'an datakng agatn kuaso Rajo Sitatn. Io paca'an molabuhan somuo macapm mujisat inyo palsu huatan boko tando inyo palsu.

1 Timotius 1:4

Huatan oca' sia' jangan tolalu borotian boko kisah sangan damo boko daptar koturutan inyo co nyiant kotuntukannyo. Boko ajaran sama'an nantai bayo bulah boko urakng bomparakan mulut huatan co nyiant gunonyo pakai' hajat Allah, inyo kito kotohu'i agatn pocayo ko Sio.

1 Timotius 4:7

Apo jangan pondinga'an boko kisah sangan. Boko kisah sama'an nantai kinyo monulukng urakng oca' mohormati Allah. Kolai gola' hala bolatih oca' hidup sosuai agatn kohonda' Allah.

Titus 1:14

Olikanbo sia' nan oca' sia' monula' boko kisah modas doi' boko urakng Yahudi. Olikancam sia' nian oca' sia' kinyo sonjumpat'an urakng inyo molawatn ajaran inyo bondar. Boko urakng nantai mongajar obai kito gola' monaati soluruh Hukupm Torat.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

Yudas 1:14

Henokh, koturutan kotujuh doi' Adapm, udah momadahan doi' komai obai sia' paca'an dihukupm. Kato io, “Tiatcam! Tuhatn paca'an datakng agatn boribu-ribu molekat-Nyo.

Wahyu 1:7

Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!