2 Petrus 1:13 - Porjanjian Boharu Torjomahan Baso Dilakng Soari-ari

¹³ Aku mooso nantai tugasku pakai' moingant'an kaitn mongona'i boko hal nantai somanahan ku ija' hidup di dunia ni'in.

2 Petrus 1:13 ပူးပေါင်းရင်းမြစ်များ

2 Korintus 5:8

Apo hati koi totap kuat. Koi lobih sonang mati, moninggalan bukakng-tubuh ni'in, lalu hidup bosamo-samo Tuhatn di sorugo.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Filipi 3:10

Aku bondar-bondar honda' mongonal Kristus. Aku honda' moalapi kuaso inyo mombulah Sio bobali' hidup agi' doi' komatian. Aku honda' tuyut mondorita' samo sama'an Sio ongko rela mati samo sama'an Sio.

2 Timotius 1:6

Obai nantai, aku moingant'an kolai pakai' bulah komampuan husus kolai oca'nyo bonyalo lobih honggur. Komampuan husus nantai boasal doi' Allah timpu aku molota'an jariku ko pucu' kopala' kolai.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

2 Petrus 1:12

Memang kaitn udah mongotohu'i somuo ni'inan. Kaitn udah kuat pocayo agatn ajaran bondar inyo udah disampaian ko kaitn. Apo, kohonda' ku pakai' hala moingant'an kaitn mongona'i somuonyo nantai.

2 Petrus 1:14

Tuhatn kito, Yesus Kristus udah momadahannyo ko aku obai co manah agi' aku tajahan mati.

2 Petrus 3:1

Boko somadikan inyo ku kasihi, ni'in udah surat inyo koduo, inyo ku tulis ko kaitn. Di dalapm koduo surat nantai, aku bousaha monyadaran kaitn pakai' bopikir agatn caro inyo bondar.