2 Petrus 1:11 - Porjanjian Boharu Torjomahan Baso Dilakng Soari-ari

¹¹ Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.

2 Petrus 1:11 ပူးပေါင်းရင်းမြစ်များ

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Yohanes 10:10

Pongolit datakng ongkah bayo honda' mongolitam, mombunuh, mombonasoannam. Apo Aku datakng pakai' moonji'i hidup, ia'an hidup inyo sonang-nyaman.

Roma 2:4

Allah kotakan boi' huatan sabar ko kaitn. Sio kinyo lansukng mohukupm kaitn. Jangan moanggap koboi'an-Nyo nantai kinyo borogo? Kaitn gola' mongoroti obai Allah monunju'an koboi'an-Nyo ko kaitn obai Sio honda' oca' kaitn moninggalan boko dosa kaitn.

1 Korintus 15:24

Lopas nantai ahir dunia ni'in datakng, ia'an watu Sio monyorahan Koraja'an ko Allah Bopai, lopas nantai Sio mombonasoan somuo pomorintahan, kokuasa'an ongko kokuatan.

2 Korintus 5:1

Koi co putus asa, obai koi tohu ni'in: Bukakng-tubuh kito di dunia ni'in samo sama'an potungguan bayo pakai' somontaromo. Aman potungguan kito rusa', kito paca'an mondapat'an rumah di sorugo inyo paca'an tahatn somanah-manahnyo. Rumah nantai doi' Allah, kinyo dipulah monsio.

Efesus 3:20

Topujiam Allah! Sio sanggup molabuhan banya' hal, lobih banya' doi' inyo ulih kito minto damo bayakan. Obai, kuaso-Nyo bokorojo di dalapm diri kito.

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

Ibrani 6:17

Sama'an nian jam, Allah honda' monunju'an ko boko urakng inyo tajahan monorima' borokat inyo dijanjian-Nyo. Sio honda' oca' sia' lobih yakitn agatn hajat Sio kinyo tajahan borubah. Obai nantai am Allah monguat'an janji-Nyo agatn sumpah.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

2 Petrus 1:5

Nanam alasan kaitn gola' bobondar bousaha pakai' pocayo ko Yesus agatn kuat. Lopas nantai, kaitn pan gola' bousaha bulah koboi'an. Lopas nantai mongotohu'i ajaran inyo bondar.

2 Petrus 2:20

Doi' komai, sia' hidup di babah kuaso dosa. Apo, lopas nantai sia' ulih mongonal Yesus Kristus, Ponyolamant huatan Tuhatn inyo bokuaso pucu' kito. Obai nantai, sia' ulih tolopas doi' kuaso dosa nantai. Apo, watu ni'in sia' udah bobali' tokobat hidup sama'an nantai. Jadi, koadaan sia' watu ni'in lobih buru' doi' sobolupmnyo.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Wahyu 5:10

Duatn udah mombulah sia' monjadi Koraja'an Allah, huatan mombulah sia' monjadi boko imam inyo molayati Allah. Sia' paca'an momorintah sobagai rajo di bumi.”