2 Korintus 9:8 - Porjanjian Boharu Torjomahan Baso Dilakng Soari-ari

⁸ Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

2 Korintus 9:8 ပူးပေါင်းရင်းမြစ်များ

Efesus 3:20

Topujiam Allah! Sio sanggup molabuhan banya' hal, lobih banya' doi' inyo ulih kito minto damo bayakan. Obai, kuaso-Nyo bokorojo di dalapm diri kito.

Titus 3:14

Bukainyo bayo nantai, apo somuo urakng inyo pocayo di pulau Kreta nantai gola' bolajar bulah koboi'an. Sia' gola' bousaha pakai' molabuhan nantai oca' sia' ulih monulukng urakng bukai inyo ado kopontikannyo. Aman sia' molabuhan nantai, hidup sia' paca'an boguno.

2 Korintus 8:7

Nah, kaitn molabuhan boko la'apo pan agatn boi' bondar. Ia'an nantai, kaitn kotakan kuat pocayo ko Yesus. Kaitn mongajar agatn caro inyo boi'. Kaitn mongotohu'i banya' boko hal. Kaitn kotakan bosomangant. Kaitn kotakan mongasihi koi. Samo sama'an kaitn molabuhan boko la'apo pan agatn boi' bondar, soharusnyo kaitn moonji'i sumbakan ni'in agatn boi' jam.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

2 Korintus 9:11

Masudnyo, Allah tajahan moonji'i kaitn lobih doi' cukup oca' kaitn ulih moonji'i urakng bukai agatn rokah. Lalu, timpu koi monyampaian sumbakan kaitn nononyo, banya' urakng paca'an bosukur ko Allah.

2 Korintus 8:2

Sia' diuji agatn bomacapm pondorita'an. Apo Allah mombulah hati sia' kotakan sonang. Sia' kotakan jaro, apo Allah mombulah hati sia' kotakan sonang moonji'i sumbakan pakai' monulukng urakng bukai.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

1 Petrus 4:10

Allah udah monunju'an koboi'an-Nyo ko kaitn agatn moonji'i somuo kaitn komampuan husus inyo bobeda-beda. Jadi, gunoancam komampuan husus doi' Allah nantai agatn caro inyo boi', ia'an kaitn gola' monggunoan komampuan husus doi' Allah nantai oca' hala molayati urakng pocayo inyo bukai.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

2 Korintus 8:19

Bukainyo bayo nantai jam! Io pan udah di pilih boko jomaat pakai' monambahi koi dalapm pojalatan pakai' mombaba' sumbakan ko Yerusalem. Koi molabuhan polayatan nantai oca' Tuhatn dimuliaan, huatan oca' urakng ulih moniant obai koi bondar-bondar honda' monulukng urakng bukai.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Kisah Boko Rasul 9:36

Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro.

2 Tesalonika 2:17

monguat'an hati kaitn oca' kaitn hala molabuhan huatan momandiran boko hal inyo boi'.

2 Timotius 3:17

Jadi, Buku Suci boguno pakai' bulah boko urakng inyo molayati Allah mampu molabuhan sotiap pokoroja'an inyo boi'.

2 Korintus 13:3

Aku paca'an bulah ubo nantai, obai kaitn siku' mominto ku monunju'an obai Kristus bopandir molalu'i aku. Sio kinyo lomah tohadap kaitn, apo Sio monunju'an kuaso-Nyo di tongah-tongah kaitn.

Filipi 4:11

Agatn pandir mongona'i ni'in, aku co bomasud aku ija' ado kokurakan. Obai, aku udah bolajar mooso tokosih dalapm koadaan lapo ja'.

2 Timotius 2:21

Boko urakng inyo monyongkayoan diri doi' boko hal inyo kinyo gaho pontikng nantai samo sama'an boko pokakas inyo digunoan pakai' pogota'an inyo pontikng. Io disongkayoan pakai' pogota'an inyo husus. Io cucu' dipakai Tuhatn huatan siap dipakai pakai' pokoroja'an la'apo pan inyo boi'.