2 Korintus 9:6 - Porjanjian Boharu Torjomahan Baso Dilakng Soari-ari

⁶ Ingantcam porbaso ni'in: Urakng inyo monugalan bonih sodikit, io pan paca'an bohanyi sodikit jam. Apo urakng inyo monugalan bonih banya', io pan paca'an bulih padi.

2 Korintus 9:6 ပူးပေါင်းရင်းမြစ်များ

Lukas 6:38

Onju' cam ko urakng bukai, nononyo kaitn hala dionji'i Allah kolimpahan; ia'an sobuah takaran inyo digora', dihonya'an, oca' inyo botambah rapat tajahan dionju' ko kaitn. Ingant'i cam: Ukuran inyo kaitn gunoan pakai' moukur porbuatan urakng bukai, Allah tajahan momakai ukuran inyo samo samaꞌan nian jam ko kaitn.”

2 Korintus 9:10

Allah inyo moonji'i bonih ko urakng inyo monugal ongko pomakatn pakai' dipua'i. Ubo nantaiam, Sio paca'an moonji'i lobih doi' cukup bonih pakai' kaitn. Sio pan tajahannyo bulah hasil doi' porbuatan boi' kaitn botambah banya'.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Galatia 5:16

Dinga'anbo pomandiranku! Torus-monorus hidup sosuai kohonda' Roh Allah. Jadi, kaitn kinyo paca'an mongosihan kohonda' diri kaitn inyo jahat.

Galatia 3:17

Masud aku ubo ni'in: Allah udah tolobih doholu monsahan janji-Nyo. Hukupm Torat dionju' ko Musa ompat ratus tigo puluh tohutn lopas nantai. Jadi, Hukupm Torat nantai kinyo ulih mombalakan janji Allah doi' komai. Janji Allah nantai ija' bolaku.

1 Korintus 15:20

Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

1 Korintus 7:29

Boko somadikan, masudku ubo ni'in: Co manah agi' watu ni'in paca'an boahir. Obai nantai, mula'i doi' ni'in sotiap urakng inyo bobini gola' bolaku ubo urakng kinyo bobini.

Kolose 2:4

Aku momandiran boko hal nantai oca' urakng bukai co ulih mongontumbuki kaitn agatn pomandiran inyo manis.

1 Korintus 1:12

Masudku, ado di antaro kaitn inyo bopandir, “Aku urakng doi' kolompok Paulus.” Ado inyo bukai bopandir, “Aku urakng doi' kolompok Apolos.” Damo “Aku urakng doi' kolompok Petrus.” Ado inyo bukai agi' inyo bopandir, “Aku urakng doi' kolompok Kristus.”

2 Korintus 9:5

Nantaiam sobabnyo aku mooso gola' moutus sia' tigo madikan nantai ko kaitn. Sia' mondoholu'i ku oca' sia' ulih mourus sumbakan inyo udah kaitn janjian nantai. Agatn ubo nantai, sumbakan nantai udah siap sobolupm aku datakng. Ongko nantai mombutian obai kaitn moonji'i agatn sonang hati bukainyo diposo.