2 Korintus 9:5 - Porjanjian Boharu Torjomahan Baso Dilakng Soari-ari

⁵ Nantaiam sobabnyo aku mooso gola' moutus sia' tigo madikan nantai ko kaitn. Sia' mondoholu'i ku oca' sia' ulih mourus sumbakan inyo udah kaitn janjian nantai. Agatn ubo nantai, sumbakan nantai udah siap sobolupm aku datakng. Ongko nantai mombutian obai kaitn moonji'i agatn sonang hati bukainyo diposo.

2 Korintus 9:5 ပူးပေါင်းရင်းမြစ်များ

Filipi 4:17

Aku momandiran nantai bukainyo pakai' bogoyap bantu'an agi' doi' kaitn. Apo aku honda' oca' Tuhatn somongkitn momborokati kaitn obai kaitn udah monulukngku.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

1 Korintus 16:2

Sotiap ari Minggu, kaitn siku'-monyiku' gola' monyisihan sobagi'an doi' pongulihan kaitn pakai' monulukng jomaat di Yerusalem. Simpatn duit nantai oca' kinyo gola' dikumpulan watu aku datakng.

2 Korintus 9:3

Apo, aku moutus Titus ongko ko duo somadikan nantai ko kaitn oca' kaitn bondar-bondar siap samo sama'an inyo udah ku padahan ko boko urakng di Makedonia. Jangan sampai aku momuji kaitn sama'an nantai sia-sia.

2 Korintus 9:6

Ingantcam porbaso ni'in: Urakng inyo monugalan bonih sodikit, io pan paca'an bohanyi sodikit jam. Apo urakng inyo monugalan bonih banya', io pan paca'an bulih padi.