2 Korintus 9:4 - Porjanjian Boharu Torjomahan Baso Dilakng Soari-ari

⁴ Apobilo ado boko urakng Makedonia inyo tuyutku nononyo, lalu sia' moniant obai sumbakan kaitn bolupm siap, jadi koi paca'an malu. Kaitn pan paca'an malu jam dalapm hal nantai.

2 Korintus 9:4 ပူးပေါင်းရင်းမြစ်များ

Roma 15:26

Obai, boko jomaat di doerah Makedonia ongko Akhaya udah mombulah koputusan pakai' moonji'i sumbakan nantai pakai' monulukng urakng pocayo inyo jaro di Yerusalem.

1 Korintus 16:2

Sotiap ari Minggu, kaitn siku'-monyiku' gola' monyisihan sobagi'an doi' pongulihan kaitn pakai' monulukng jomaat di Yerusalem. Simpatn duit nantai oca' kinyo gola' dikumpulan watu aku datakng.

2 Korintus 11:17

Jadi aku honda' momuji diriku siku' apo bukainyo Tuhatn monyiuh aku mongatoan nantai. Apo pandirku momuji diri samo sama'an urakng inyo budu.

2 Korintus 8:24

Obai nantai, tunju'anbo ko sia' obai kaitn ado kasih. Koi udah mongatoannyo ko sia' banya' hal inyo boi' mongona'i kaitn. Jadi, tunju'anbo obai somuo hal nantai bondar. Agatn ubo nantai, jadi boko jomaat bukai pan ulih moniant somuonyo nantai.

2 Korintus 9:2

Obai, aku udah tohu kaitn bondar-bondar honda' moonji'i sumbakan pakai' nantai. Dalapm hal nantai, ko boko urakng di propinsi Makedonia Aku momuji kaitn. Aku momadahannyo ko sia' obai kaitn di propinsi Akhaya udah siap moonji'i sumbakan doi' tohutn komai. Jadi, somangant kaitn mombulah banya' doi' sia' honda' moonji'i sumbakan jam.

Filemon 1:19

Aku, Paulus, monulis ni'in agatn jariku siku' pakai' monjaminnyo: “Aku tajahan molunasinyo nantai.” (Apo, jangan tongkolupatn kolai bohutakng agatn aku ia'an nantai kohidupan kolai inyo boharu dalapm Yesus Kristus.)