2 Korintus 9:10 - Porjanjian Boharu Torjomahan Baso Dilakng Soari-ari

¹⁰ Allah inyo moonji'i bonih ko urakng inyo monugal ongko pomakatn pakai' dipua'i. Ubo nantaiam, Sio paca'an moonji'i lobih doi' cukup bonih pakai' kaitn. Sio pan tajahannyo bulah hasil doi' porbuatan boi' kaitn botambah banya'.

2 Korintus 9:10 ပူးပေါင်းရင်းမြစ်များ

2 Korintus 9:6

Ingantcam porbaso ni'in: Urakng inyo monugalan bonih sodikit, io pan paca'an bohanyi sodikit jam. Apo urakng inyo monugalan bonih banya', io pan paca'an bulih padi.

Filipi 4:17

Aku momandiran nantai bukainyo pakai' bogoyap bantu'an agi' doi' kaitn. Apo aku honda' oca' Tuhatn somongkitn momborokati kaitn obai kaitn udah monulukngku.

1 Tesalonika 3:12

Koi pan bodoa oca' Tuhatn bulah kaitn hala mongasihi huatan kasih nantai mongkitn botambah-tambah sampai bokolobihan. Koi pan bodoa oca' Tuhatn bulah kaitn mongkitn mongasihi somuo urakng samo sama'an koi mongkitn mongasihi kaitn.

Matius 6:1

“Boboi'cam timpu kaitn molabuhan porbuatan boi' inyo sosuai agatn agama. Jangan molabuhan porbuatan nantai di hadapan urakng oca' ditiat sia'. Obai aman kaitn bulah sama'an nian, Bopai kaitn di sorugo kinyo paca'an moonji'i upah ko kaitn obai porbuatan boi' nantai.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Efesus 5:9

Obai ni'inan, hasil doi' caro hidup dalapm torakng nantai: urakng nantai bulah koboi'an, bondar di hadapan Allah, huatan moikuti ajaran inyo bondar.

1 Tesalonika 4:10

Ruponyo kaitn udah mongasihi somuo urakng inyo pocayo di somuo propinsi Makedonia. Apo koi momadahi oca' kaitn mongkitn lobih mongasihi.

2 Korintus 9:12

Obai, timpu kaitn molayati ubo ni'in kaitn tajahan monulukng momonuhi kopontikan boko urakng umputn Allah di Yerusalem. Apo bukainyo bayo nantai. Kaitn pan tajahan bulah banya' boko urakng bosukur agatn Allah.

Galatia 3:5

Allah moonju' Roh-Nyo ko kaitn. Sio molabuhan banya' mujisat di antaro kaitn. Allah molabuhan nantai obai kaitn monaati somuo porintah huatan poraturan Allah inyo ditulis Musa dalapm buku Hukupm Torat? Samo sokali cado! Allah molabuhan nantai obai kaitn pocayo Kabar Boi' mongona'i Yesus inyo ku boritoan ko kaitn.