2 Korintus 8:7 - Porjanjian Boharu Torjomahan Baso Dilakng Soari-ari

⁷ Nah, kaitn molabuhan boko la'apo pan agatn boi' bondar. Ia'an nantai, kaitn kotakan kuat pocayo ko Yesus. Kaitn mongajar agatn caro inyo boi'. Kaitn mongotohu'i banya' boko hal. Kaitn kotakan bosomangant. Kaitn kotakan mongasihi koi. Samo sama'an kaitn molabuhan boko la'apo pan agatn boi' bondar, soharusnyo kaitn moonji'i sumbakan ni'in agatn boi' jam.

2 Korintus 8:7 ပူးပေါင်းရင်းမြစ်များ

Matius 25:22

Lopas nian, hulutn inyo monorima' duo ribu pingkai' duit datakng. Katonyo, ‘Habakng, Duatn moonju' ko aku duo ribu pingkai' duit. Tiat, aku udah bodapat kountukan duo ribu pingkai' agi'.’

Roma 15:14

Boko somadikanku, aku kotakng yakitn obai kaitn kotakan boi' ongko mongotohu'i somuo inyo dipontikan. Jadi, kaitn ulih momadahi siku'-monyiku'.

1 Korintus 1:5

Masudku, obai kaitn di dalapm Sio, jadi Sio momborokati kaitn dalapm somuo hal. Ia'an, kaitn monjadi mongkitn mampu mongoroti somuo macapm pongotohuan. Kaitn jam monjadi mongkitn mampu momandiran somuo hal nantai ko urakng bukai.

1 Korintus 12:8

Umpamonyo, ko urakng ni'in Roh Allah moonji'i komampuan bopandir agatn kopintar-corodi'an. Ko urakng nian Roh Allah moonji'i komampuan pakai' mongotohu'i sosuatu ongko monyampaian boko hal nantai agatn jolasko urakng bukai.

1 Korintus 13:2

Soandainyo aku dionji'i komampuan husus pakai' monyampaian posatn-pontal doi' Allah, soandainyo aku mongoroti somuo hajat Allah inyo bolupm dipadahan ko urakng bukai, soandainyo aku mongotohu'i somuo hal, soandainyo aku pocayo agatn kotakng kuat singgatn aku ulih momindahan bukit ko tompat bukai, apo aman aku kinyo mongasihi urakng bukai, aku kinyo boguno.

1 Korintus 13:8

Kasih kinyo paca'an kalo botongga'. Apo nononyo, komampuan husus pakai' monyampaian posatn doi' Allah paca'an botongga'. Komampuan husus pakai' bopandir dalapm baso roh paca'an botongga'. Komampuan husus pakai' mongotohu'i boko hal doi' Roh Allah paca'an botongga'.

1 Korintus 14:12

Ubo nian jam agatn kaitn. Memang kaitn kotakng honda' dionji'i boko komampuan husus doi' Roh Allah. Apo, soharusnyo kaitn mongohonda'i boko komampuan husus nantai oca' kaitn sobondarannyo ulih monguat'an urakng bukai inyo pocayo.

1 Korintus 4:7

Co nyiant urakng di antaro kaitn inyo lobih pontikng daripado urakng bukai. Somuo inyo umputn kaitn dionju' Allah. Jadi jangan kaitn buhau ubonyo pongulihan kaitn siku' mo bukainyo doi' Tuhatn.

2 Korintus 7:7

Hati koi dikuatan bukainyo aja' obai kodatakan Titus, apo io pan momadahan obai kaitn monguat'an hati io jam. Io momadahan ko koi obai kaitn rinduanaku, kaitn monyosal agatn porbuatan kaitn inyo salah sokomai, huatan ni'in kaitn bobondar honda' mondukukng ku. Somuo nantai bulah aku lobih sonang-nyamanam.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

2 Korintus 9:14

Sia' pan mondoa'an kaitn agatn porasa'an kasih sayang obai Allah udah monunju'an koboi'an-Nyo ko kaitn.

2 Korintus 9:8

Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

Efesus 4:29

Aman kaitn bopandir, jangan momakai boko pandir inyo jahat. Apo pakaicam boko pandir inyo boi' pakai' monguat'an hati urakng bukai sosuai agatn kopontikan sia'. Agatn sama'an nantai boko urakng inyo mondinga' pandir nantai bodapat koboi'an.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Filipi 1:9

Ninam doaku pakai' kaitn: Mudahan kaitn mongkitn mongasihi Allah ongko urakng bukai ongko mongkitn mongotohu'i ongko mongoroti lapo inyo bondar

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

2 Timotius 2:1

Timotius, ana'ku, gunoan cam kokuatan doi' Kristus Yesus pakai' kolai lobih kuat pocayo ko Sio.

Ibrani 12:28

Jadi, mara am kito bosukur ko Allah, obai kito monjadi warga Korajaan-Nyo inyo kinyo toguncakng. Mara am kito monyombah Allah agatn caro inyo monyonangan Sio, ia'an agatn hormat ongko gola' agatn Sio.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

Wahyu 3:17

Kaitn bopandir, ‘Koi cukup dampu. Koi udah mongumpulan banya' kodampuan. Koi conyiant ado kokurakan la'apo pan.’ Apo kaitn co sadar obai sobondarnyo socaro rohani kaitn conyiant ado aponyo. Kaitn molarat, sonsaro, jaro, buto, kolanjakng!