2 Korintus 8:5 - Porjanjian Boharu Torjomahan Baso Dilakng Soari-ari

⁵ Sia' moonji'i lobih banya' doi' inyo koi sangko. Mulonyo sia' monyonangan Tuhatn. Lopas nian, sia' monyonangan koi. Obai, caro nantai sosuai agatn kohonda' Allah.

2 Korintus 8:5 ပူးပေါင်းရင်းမြစ်များ

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

Roma 6:13

Jangan tundu' ko kuaso dosa huatan mombiaran dosa momakai boko anggota bukakng kaitn sama'an alat pakai' bulah kojahatan. Hidup kaitn inyo manah nantai udah mati. Watu ni'in, kaitn dionji'i hidup boharu. Jadi, tundu' ko kuaso Allah huatan mombiaran Sio momakai boko anggota bukakng kaitn sama'an alat pakai' bulah inyo bondar.

1 Korintus 1:1

Surat ni'in ko jomaat Allah di Korintus. Kaitn monjadi borosih socaro rohani molalu'i Kristus Yesus. Allah momilih kaitn pakai' monjadi umant inyo husus pakai' umputn Sio. Kaitn monjadi umant Allah bosamo somuo urakng di mono aja' inyo pocayo ko Tuhatn kito, Yesus Kristus. Sio ia'an Tuhatn inyo bokuaso atas sia' huatan Tuhatn inyo bokuaso atas kito. Surat ni'in doi' aku, Paulus. Aku ditingkau pakai' monjadi rasul Kristus Yesus obai nantai kohonda' Allah. Salapm jam doi' Sostenes, somadikan soiman kito.

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.

2 Korintus 8:1

Boko somadikan, koi honda' momadahan ko kaitn mongona'i caro Allah monunju'an koboi'an-Nyo ko boko jomaat di propinsi Makedonia ni'in.