2 Korintus 8:3 - Porjanjian Boharu Torjomahan Baso Dilakng Soari-ari

³ Aku siku' bosasi obai sia' moonji'i sosuai agatn pongulihan sia', malahan lobih agi' doi' nantai.

2 Korintus 8:3 ပူးပေါင်းရင်းမြစ်များ

Markus 14:8

Botina' ni'in udah molabuhan la'apo inyo ulih io labuhan. Agatn caro monuyungan minya' harupm nantai ko Aku, sobondarnyo io udah monyiap'an bukakng-tubuh-Ku pakai' dipasar.

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Roma 10:2

Obai, aku tohu sia' bobondar bousaha monaati Allah, apo sia' kinyo bobondar mongoroti.

1 Korintus 16:2

Sotiap ari Minggu, kaitn siku'-monyiku' gola' monyisihan sobagi'an doi' pongulihan kaitn pakai' monulukng jomaat di Yerusalem. Simpatn duit nantai oca' kinyo gola' dikumpulan watu aku datakng.

1 Korintus 9:17

Soumpamonyo aku momboritoan Kabar Boi' obai kohonda'ku siku', pasti aku bodapat upah. Apo sobondarnyo Allah inyo moutusku huatan mompocayoan tugas pakai' momboritoan Kabar Boi' nantai ko aku.

Galatia 4:15

Timpu nantai, kaitn mooso diborokati. Aku yakitn kaitn siap monulukng aku agatn caro la'apo pan. Kaitn pan siap moncungkil mato kaitn siku' ongko moonju' ko aku aman soandainyo hal nantai ulih monulukng aku. Apo ni'in kaitn mooso kinyo sonang agatn aku.

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Kolose 4:13

Aku udah moniant agatn matoku siku' obai io bokorojo somombondarannyo pakai' kaitn, huatan pakai' boko urakng di kota Laodikia ongko kota Hierapolis.

1 Tesalonika 2:8

Koi kotakan mongasihi kaitn. Jadi, koi kotakan sonang momboritoan ko kaitn Kabar Boi' doi' Allah. Apo bukainyo bayo nantai. Koi pan kotakan sonang bulah la'apo aja' pakai' monulukng kaitn.

Filemon 1:14

Apo, aku co honda' molabuhan nantai aman kinyo posotujuan kolai lobih holu. Obai, aku co honda' momoso kolai oca' io diapm di si'itn. Aku honda' kolai bulah koboi'an nantai doi' kohonda' kolai siku'.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!

1 Petrus 5:2

Kobolo cam boko domba Allah inyo ado di kaitn. Kaitn gola' momimpitn sia' agatn sonang hati sosuai agatn kohonda' Allah. Jangan mooso toposo. Layati sia' obai kaitn bondar-bondar monulukng, bukainyo obai kaitn honda' bogoyap untukng.