2 Korintus 8:24 - Porjanjian Boharu Torjomahan Baso Dilakng Soari-ari

²⁴ Obai nantai, tunju'anbo ko sia' obai kaitn ado kasih. Koi udah mongatoannyo ko sia' banya' hal inyo boi' mongona'i kaitn. Jadi, tunju'anbo obai somuo hal nantai bondar. Agatn ubo nantai, jadi boko jomaat bukai pan ulih moniant somuonyo nantai.

2 Korintus 8:24 ပူးပေါင်းရင်းမြစ်များ

2 Korintus 7:14

Sobolupm Titus monjongu' kaitn, aku momadahannyo ko io obai kaitn nam urakng inyo boi'. Jadi, kaitn co bulah aku malu. Koi hala momadahan boko hal inyo bondar ko kaitn. Ubo nian jam, somuo koboi'an kaitn inyo koi padahan ko Titus, somuo nantai tonyato bondar jam.

2 Korintus 7:4

Aku borani bopandir ko kaitn agatn torus-torakng. Apo, aku pan bangga bondar agatn kaitn. Biar pan koi mohadapi banya' pondorita'an, kaitn kotakan monguat'an hati koi. Jadi, hati koi kotakan sonang-nyaman.

2 Korintus 8:8

Aku momadahan nantai bukainyo sobagai porintah. Aku momadahan mongona'i bantu'an doi' boko urakng di Makedonia sobagai contoh pakai' kaitn. Agatn ubo nian aku honda' mouji aman kaitn bondar-bondar mongasihi boko somadikan kaitn inyo bukai.

Kisah Boko Rasul 9:31

Lopas nantai somanah boboropo watu, boko urakng inyo pocayo Yesus di soluruh doerah Yudea, doerah Galilea, huatan doerah Samaria ulih hidup agatn sonang-asau. Co nyiant inyo mondorako'i sia'. Roh Allah monulukng huatan monguat'an sia'. Obai nantai, mongkitn manah mongkitn banya' urakng inyo pocayo agatn Yesus. Sia' somuo hidup agatn ponuh oso hormat ko Tuhatn inyo bokuaso.