2 Korintus 8:23 - Porjanjian Boharu Torjomahan Baso Dilakng Soari-ari

²³ Titus, io nam kawal ku inyo bokorojo samo agatn aku pakai' molayati kaitn. Ongko koduo somadikan inyo bukai nantai, sia' nam boko urakng inyo diutus boko jomaat. Sia' monunju'an obai Kristus mulia.

2 Korintus 8:23 ပူးပေါင်းရင်းမြစ်များ

Filipi 2:25

Apo, timpu ni'in, aku mooso pontikng mongiripm Epafroditus agi' ko kaitn. Komai, kaitn moutus io pakai' monulukng ku dalapm ponjara di si'itan. Io udah monjadi somadikanku inyo bokorojo ongko bojuakng pakai' Kristus bosamo ku.

Filemon 1:17

Jadi, aman kolai moanggap aku somadikan soiman kolai, torima' cam Onesimus agi' samo sama'an kolai monorima' aku jam.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

3 Yohanes 1:8

Jadi, kito gola' monulukng sia'. Agatn ubo nantaiam, kito ulih monjadi boko urakng inyo bokorojo samo agatn sia' pakai' monyebaran ajaran inyo bondar.

Filemon 1:24

Salapm jam doi' Markus, Aristarkhus, Demas huatan Lukas, ia'an boko kawal inyo bokorojosamo agatn ku pakai' momboritoan Kabar Boi'.

Kolose 1:7

Kaitn mongotohu'i somuo nantai doi' Epafras, somadikan inyo koi kasihi. Sio nantai kawal boi' dalapm pokoroja'an molayati Kristus agatn sotia. Sio molayati di antaro kaitn.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

2 Korintus 12:18

Aku udah minto oca' Titus monjongu' kaitn bosamo-samo agatn somadikan inyo bukainyo. Timpu nantai, kata'an Titus bayo goyap kountukan doi' kaitn ai? Cado jam! Caro bopikirnyo ongko caro hidupnyo jujur samo sama'an aku jam.

2 Korintus 8:19

Bukainyo bayo nantai jam! Io pan udah di pilih boko jomaat pakai' monambahi koi dalapm pojalatan pakai' mombaba' sumbakan ko Yerusalem. Koi molabuhan polayatan nantai oca' Tuhatn dimuliaan, huatan oca' urakng ulih moniant obai koi bondar-bondar honda' monulukng urakng bukai.

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

2 Korintus 7:6

Apo Allah inyo monguat'an hati urakng inyo putus asa. Sio monguat'an hati koi agatn kodatakan Titus.

Lukas 5:7

Ongko sia' mongkongkijap pokawalan bukainyo minto tulukng. Kali udah datakng porohu kawalnyo nantai, sia' moisi'i porohu sia' agatn ikatn. Koduonyo sarat sampai pan porohu sia' hampir karapm.

Yohanes 13:16

Pondinga'an bobondarcam! La'apo inyo Ku pandiran ni'in: Siku' urakng hulutn kinyo lobih pontikng doi' habakngnyo. Siku' urakng inyo diutus kinyo lobih pontikng doi' urakng inyo moutusnyo.

1 Korintus 11:7

Obai, Allah bulah lolaki monurut rupo-Nyo huatan monunju'an kobosaran-Nyo molalu'i lolaki. Jadi, lolaki jangan momakai tokulu'. Apo kobosaran lolaki ditunju'an molalu'i botina'.

2 Korintus 8:18

Kinyo haja' Titus, koi pan moutus siku' somadikan koi ko kaitn. Somuo jomaat mohormati io obai io monulukng dalapm polayatan momboritoan Kabar Boi'.

2 Korintus 8:22

Bosamo agatn sia' duo nantai, koi moutus somadikan koi inyo bukai agi'. Koi udah opat am mouji io. Tonyato io bondar-bondar honda' monulukng urakng bukai. Watu ni'in, io lobih bosomangant agi' obai io pocayo obai kaitn honda' moonji'i sumbakan nantai.

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.