2 Korintus 8:18 - Porjanjian Boharu Torjomahan Baso Dilakng Soari-ari

¹⁸ Kinyo haja' Titus, koi pan moutus siku' somadikan koi ko kaitn. Somuo jomaat mohormati io obai io monulukng dalapm polayatan momboritoan Kabar Boi'.

2 Korintus 8:18 ပူးပေါင်းရင်းမြစ်များ

2 Korintus 12:18

Aku udah minto oca' Titus monjongu' kaitn bosamo-samo agatn somadikan inyo bukainyo. Timpu nantai, kata'an Titus bayo goyap kountukan doi' kaitn ai? Cado jam! Caro bopikirnyo ongko caro hidupnyo jujur samo sama'an aku jam.

2 Korintus 8:19

Bukainyo bayo nantai jam! Io pan udah di pilih boko jomaat pakai' monambahi koi dalapm pojalatan pakai' mombaba' sumbakan ko Yerusalem. Koi molabuhan polayatan nantai oca' Tuhatn dimuliaan, huatan oca' urakng ulih moniant obai koi bondar-bondar honda' monulukng urakng bukai.

1 Korintus 7:17

Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

Roma 16:4

Sia' kalo hampir mati obai honda' monyolamant'an hidupku. Aku botorima' kasih ko sia'. Malahan, somuo jomaat urakng bukainyo urakng Yahudi botorima' kasih ko sia'.

1 Korintus 4:17

Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.

1 Korintus 16:3

Aman aku datakng, kaitn gola' momilih boboropo urakng inyo kaitn anggap ulih dipocayo'i. Aku paca'an moutus sia' pakai' moonju'an sumbakan kaitn nantai ko Yerusalem. Sia' paca'an mombaba' surat poonju' jam.