2 Korintus 8:12 - Porjanjian Boharu Torjomahan Baso Dilakng Soari-ari

¹² Aman ado kohonda' pakai' moonji'i, jadi Allah monorima' poonju' nantai. Allah honda' monorima' poonju' inyo sosuai agatn komampuan urakng. Urakng kinyo gola' moonji'i lobih doi' komampuannyo.

2 Korintus 8:12 ပူးပေါင်းရင်းမြစ်များ

Matius 25:17

Ubo nian jam hulutn inyo monorima' duo ribu pingkai' duit. Io bodapat untukng duo ribu pingkai' duit agi'.

Matius 25:22

Lopas nian, hulutn inyo monorima' duo ribu pingkai' duit datakng. Katonyo, ‘Habakng, Duatn moonju' ko aku duo ribu pingkai' duit. Tiat, aku udah bodapat kountukan duo ribu pingkai' agi'.’

Lukas 16:10

Aman urakng ulih dipocayo agatn urusan inyo kotakng kocit, io ulih dipocayo agatn urusan inyo kotakng bosar. Apo aman urakng culih dipocayo agatn urusan inyo kotakng kocit, io pan culih dipocayo agatn urusan inyo kotakng bosar.

2 Korintus 8:11

Jadi, watu ni'in, lajuancam nantai! Komai kaitn bosomangant honda' moonji'i. Sosuai agatn nantai, honda'nyo kaitn bosomangant jam molabuhannyo. Onju'cam doi' lapo inyo ado dikaitn.

2 Korintus 8:13

Aku co bomasud momoso kaitn moonji'i sumbakan pakai' monulukng urakng bukai sampai hidup kaitn monjadi jorih. Apo, aku bomasud oca' somuonyo soimbakng.

2 Korintus 8:19

Bukainyo bayo nantai jam! Io pan udah di pilih boko jomaat pakai' monambahi koi dalapm pojalatan pakai' mombaba' sumbakan ko Yerusalem. Koi molabuhan polayatan nantai oca' Tuhatn dimuliaan, huatan oca' urakng ulih moniant obai koi bondar-bondar honda' monulukng urakng bukai.

2 Korintus 9:7

Jadi, soharusnyo sotiap kaitn moonji'i sumbakan sosuai agatn koputusan inyo udah kaitn pulah dalapm hati siku'-monyiku'. Jangan borat hati damo toposo. Obai, Allah mongasihi urakng inyo moonji'i agatn sonang hati.

1 Petrus 4:10

Allah udah monunju'an koboi'an-Nyo ko kaitn agatn moonji'i somuo kaitn komampuan husus inyo bobeda-beda. Jadi, gunoancam komampuan husus doi' Allah nantai agatn caro inyo boi', ia'an kaitn gola' monggunoan komampuan husus doi' Allah nantai oca' hala molayati urakng pocayo inyo bukai.