2 Korintus 7:7 - Porjanjian Boharu Torjomahan Baso Dilakng Soari-ari

⁷ Hati koi dikuatan bukainyo aja' obai kodatakan Titus, apo io pan momadahan obai kaitn monguat'an hati io jam. Io momadahan ko koi obai kaitn rinduanaku, kaitn monyosal agatn porbuatan kaitn inyo salah sokomai, huatan ni'in kaitn bobondar honda' mondukukng ku. Somuo nantai bulah aku lobih sonang-nyamanam.

2 Korintus 7:7 ပူးပေါင်းရင်းမြစ်များ

Matius 26:75

Petrus toingant agatn pomandiran Yesus ko io, “Sobolupm manu' bokuku', kolai paca'an monyangkal Aku tigo kali.” Lopas nantai, Petrus koluar doi' tongahlamanan rumah nantai, lalu monangis obai kotakan salu'.

Matius 5:4

Diborokaticam urakng inyo bulikng, obai sia' paca'an dikongkanti'i nononyo.

Lukas 22:44

Yesus maho salu'. Jadi, Sio mongkitn somombondarnyo bodoa. Rada'-Nyo ubo darah tatap ko tanah.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Roma 1:12

Masudku, watu aku bosamo kaitn, kito samo-samo ulih dikuatan. Ia'an, hati aku paca'an dikuatan obai moniant kaitn bondar-bondar pocayo ko Yesus. Sama'an nian jam, hati kaitn paca'an dikuatan obai kopocaya'anku.

1 Korintus 5:2

Apo kaitn bopangkakng obai porbuatan urakng nantai! Soharusnyo kaitn salu', ongko mongoluaran io doi' antaro kaitn.

2 Korintus 1:4

Sio monguat'an hati koi dalapm boko pondorita'an koi. Agatn ubo nian, Sio bulah koi ulih monguat'an hati boko urakng bukai dalapm boko pondorita'an sia'. Koi monguat'an hati sia' samo sama'an Allah monguat'an hati koi.

2 Korintus 2:9

(Dalapm surat ku komai, aku monulis ko kaitn boboropo potunju' pakai' mourus pokaro nantai. Tujuan ku pakai' mouji kaitn apobai kaitn taat dalapm la'apo pan.)

2 Korintus 5:2

Somanahan kito di dalapm potungguan ni'in, kito tohinu', obai kito kotakan rindu agatn bukakng-tubuh kito nantai inyo paca'an kito dapat di sorugo.

2 Korintus 7:6

Apo Allah inyo monguat'an hati urakng inyo putus asa. Sio monguat'an hati koi agatn kodatakan Titus.

2 Korintus 7:8

Aku tohu obai surat aku komai mombulah hati kaitn salu'. Apo, aku co monyosal monulis surat nantai. (Memang mulonyo aku monyosal obai aku tohu surat nantai bulah hati kaitn salu'. Apo, salu' bayo somontaromo.)

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

Kolose 2:5

Biar pan aku co nyiant bosamo agatn kaitn, apo hatiku ado di antaro kaitn. Aku sonang mondinga' obai kaitn hidup agatn toatur huatan kuat pocayo ko Kristus.

1 Tesalonika 3:6

Ni'in Timotius udah pulakng doi' kaitn. Io mombaba' kabar inyo kotakan monyonangan. Io momadahan ko koi obai kaitn totap pocayo ko Yesus huatan totap mongasihi urakng bukai. Io mongisahan obai kaitn hala monggonang koi agatn boi'. Io pan momandiran obai kaitn kotakng rindu honda' botomu agi' agatn koi, samo jam sama'an koi rindu botomu agi' agatn kaitn.

1 Tesalonika 3:8

Ni'inan koi hidup agatn sonang-nyaman obai kaitn ija' totap bodiritn kuat dalapm Tuhatn.

Ibrani 2:1

Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.

Yakobus 5:17

Contohnyo nabi Elia timpu joman komai. Sio nam urakng biaso samo sama'an kito. Apo, io bodoa bondar-bondar oca' kinyo hujatn huatan memang tojadi kinyo hujatn somanah tigo tohutn sotongah.

2 Yohanes 1:4

Aku kotakan sonang mondinga' obai sobagi'an doi' poana'an kolai monuruti porintah inyo Allah Bopai onju' ko kito, ia'an pakai' hidup sosuai agatn ajaran inyo bondar.

Yudas 1:3

Boko somadikan inyo ku kasihi! Kito samo-samo disolamant'an huatan aku bondar-bondar honda' monulis ko kaitn mongona'i nantai. Apo, aku mooso gola' monulis ko kaitn pakai' monguat'an kopocaya'an kaitn. Agatn sama'an nian, aku honda' oca' kaitn totap bojuakng mompotahatan iman kito, ia'an boko ajaran bondar inyo udah disampaian ko boko urakng husus umputn Allah.