2 Korintus 7:2 - Porjanjian Boharu Torjomahan Baso Dilakng Soari-ari

² Sokali agi' aku muhun, tunju'anbo obai kaitn mongasihi koi. Koi co kalo bulah salah agatn sopo pan di antaro kaitn. Koi co kalo morugian kaitn damo monipu-mongolakar kaitn pakai' mondapat'an kountukan.

2 Korintus 7:2 ပူးပေါင်းရင်းမြစ်များ

Matius 10:14

Aman ado urakng inyo kinyo monorima' kaitn damo kinyo honda' mondinga' pomandiran kaitn mongona'i Kabar Boi', koluarcam doi' rumah damo kota nantai. Tinggalancam sia'. Tata'cam dobu doi' kaki kaitn sobagai poringant'an hukupan pakai' sia'.

Matius 10:40

“Aman kaitn monorima' siku' nabi obai nabi nantai monyampaian posatn Allah, kaitn paca'an monorima' upah inyo samo sama'an inyo dionju' ko siku' urakng nabi. Aman kaitn monorima' urakng bondar obai io molabuhan inyo bondar dihadapan Allah, kaitn paca'an monorima' upah inyo samo sama'an inyo dionju' ko urakng bondar. Jadi, sotiap urakng inyo monorima' kaitn, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.

Lukas 10:8

Di kota mono aja' kaitn ditorima' agatn boi', makatn la'apo aja' inyo tongahan pakai' kaitn.

Kisah Boko Rasul 20:33

Aku co kalo mongohonda'i dionji'i kodampuan ulih urakng bukai, boi' borupo pira', omas, damo pakai'an.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 11:16

Samo agatn ku pandiran tontai: Jangan ado urakng inyo moanggap aku budu. Apo aman kaitn moanggap aku budu, aku muhun kaitn monorima' aku sobagai urakng inyo budu. Agatn ubo nantai, aku ulih sodikit momuji diri.

2 Korintus 11:9

Timpu aku bosamo agatn kaitn, pas aku ado kokurakan, aku co morepotan kaitn. Obai, watu nantai, somuo inyo ku pontikan disodiaan boko urakng pocayo inyo datakng doi' Makedonia. Dalapm somuo hal, aku monjago oca' aku co kalo mombebat'i kaitn. Aku paca'an hala sama'an nian pakai' sotorusnyo!

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

Filipi 2:29

Jadi, halucam io agatn caro inyo pantas pakai' somadikan di dalapm Tuhatn, ia'an nantai agatn sonang-nyamanam. Kaitn gola' morogo'i boko urakng sama'an io.

Kolose 4:10

Salapm doi' Aristarkhus, inyo ado dalapm ponjara bosamo agatn aku. Salapm jam doi' Markus, io sana'-tuho Barnabas. Kaitn udah monorima' posatn mongona'i Markus; aman io datakng, torima' io agatn boi'.

1 Tesalonika 2:10

Watu koi bosamo agatn kaitn inyo pocayo agatn Yesus, kaitn udah moniant agatn mato siku' caro hidup koi. Allah udah moniant jam. Koi hidup pakai' monyonangan Allah, co molabuhan kosalahan. Koi hala molabuhan inyo bondar.

Filemon 1:12

Aku kotakan mongasihi io, apo ni'in aku monyiuh io bobali' ko kolai.

Filemon 1:17

Jadi, aman kolai moanggap aku somadikan soiman kolai, torima' cam Onesimus agi' samo sama'an kolai monorima' aku jam.

2 Yohanes 1:10

Jadi, aman ado urakng inyo datakng momboritoan ajaran inyo bukai doi' ajaran Kristus, jangan kaitn korumahan. Malahan, jangan disalapi.