2 Korintus 7:13 - Porjanjian Boharu Torjomahan Baso Dilakng Soari-ari

¹³ Obai hasil nantai, jadi hati koi dikuatan. Solaitn nantai, koi pan sonang bondar agatn moniant obai Titus sonang. Obai, kaitn somuo bulah hatinyo tenang.

2 Korintus 7:13 ပူးပေါင်းရင်းမြစ်များ

2 Korintus 7:6

Apo Allah inyo monguat'an hati urakng inyo putus asa. Sio monguat'an hati koi agatn kodatakan Titus.

1 Korintus 16:13

Jagocam diri kaitn! Huatan hala pocayo ko Yesus. Totap ja' borani huatan kuat pocayo ko Tuhatn.

1 Korintus 12:26

Aman sobuti' bukakng-tubuh kompodihan, ongko somuo boko bagian bukakng-tubuh inyo bukai kompodihan jam. Aman sobuti' bagian bukakng-tubuh dihormati, ongko somuo bagian bukakng-tubuh inyo bukai sonang-nyaman jam.

Roma 15:32

Agatn ubo nantai, aman Allah moijitan, aku tajahan datakng ko kaitn agatn sonang hati. Timpu aku bosamo kaitn, bukakng ongko hati ku dapat dikuatan agi'.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

Filemon 1:20

Oi, Somadikanku! Ku harap kolai monjadi boguno bagiku obai kito somadikan dalapm Tuhatn Yesus Kristus. Hiburcam hatiku agatn monorima' Onesimus agi'.

2 Timotius 1:16

Apo Onesiforus kinyo malu obai aku ditahatn dalapm ponjara. Watu io ado di kota Roma ni'in, io bousaha koras pakai' monggoyapi aku. Lopas udah monomuan aku, io opat datakng mongkongkanti'i aku. Kolai udah tohu io opat jam molayati di kota Efesus. Obai nantai, aku bodoa oca' Tuhatn monunju'an kasih-Nyo ko io pado ari Tuhatn mohakipi somuo urakng huatan monunju'an kasih ko somuo urakng inyo monotap dalapm rumahnyo.

Filipi 2:28

Obai nantai, mongkitn bondar aku honda' monyiuh io agi' ko kaitn oca' kaitn ulih sonang-nyamanam agi' watu kaitn moniant io. Hatiku tajahan monjadi lobih tenang jam.

2 Korintus 7:15

Watu ni'in, io mongkitn mongasihi kaitn. Obai, io moingant kaitn monorima' io agatn hormat huatan kaitn somuo taat.

2 Korintus 2:13

Apo, aku co botomu agatn somadikanku Titus di su'utan. Jadi, hatiku kinyo nyamanam. Obai nantai, aku bokotohuan lalu botula' ko propinsi Makedonia.

2 Korintus 2:3

Nantai sobabnyo, daripado aku datakng, lobih boi' aku monulis surat holu ko kaitn. Aku co honda' datakng lalu kaitn mombulah ku salu'. Obai soharusnyo kaitn nam inyo bulah aku sonang-nyamanam! Jadi aku monulis surat holu, obai aku yakitn aman aku rindakng, jadi kaitn tajahan rindakng jam.

Roma 12:15

Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

1 Korintus 16:18

Obai, sia' monyonangan hatiku, samo sama'an sia' monyonangan hati kaitn. Obai nantai, hormaticam sia' huatan urakng bukai samo sama'an sia'.

2 Korintus 7:14

Sobolupm Titus monjongu' kaitn, aku momadahannyo ko io obai kaitn nam urakng inyo boi'. Jadi, kaitn co bulah aku malu. Koi hala momadahan boko hal inyo bondar ko kaitn. Ubo nian jam, somuo koboi'an kaitn inyo koi padahan ko Titus, somuo nantai tonyato bondar jam.

Filemon 1:7

Somadikanku! Kolai udah monyegaran hati boko urakng inyo husus umputn Allah. Obai kasih kolai nantai, jadi aku kotakan sonang bondar huatan hati ku botambah somangant.