2 Korintus 7:11 - Porjanjian Boharu Torjomahan Baso Dilakng Soari-ari

¹¹ Tiatbo somuo hasil doi' porasa'an salu' nantai inyo sosuai agatn kohonda' Allah! Watu ni'in kaitn lobih bobondar monuruti Tuhatn. Kaitn bousaha oca' kosalahan kaitn nantai disolosaian. Kaitn godi agatn dosa huatan lobih gola' agatn Allah. Kaitn rindu agatn aku. Kaitn lobih bosomangant bulah koboi'an. Kaitn mohukupm urakng inyo bosalah. Jadi, lopas jadi monorima' suratku nantai, kaitn mombutian obai kaitn mourus boko mosalah nantai agatn caro inyo bondar.

2 Korintus 7:11 ပူးပေါင်းရင်းမြစ်များ

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

Yohanes 2:17

Hal nantai bulah boko murid Yesus toingant, pomandiran ni'in inyo totulis di dalapm Buku Suci: “Cinta-Ku pakai' Rumah Duatn, oi Allah moloburan hati-Ku.”

Kisah Boko Rasul 17:16

Jadi, Paulus monanti kodatakan Silas ongko Timotius di kota Atena. Pas io moniant di kota nantai ado banya' bondar lompatukng boko duato. Hal nantai mombulah hatinyo kotakan salu'.

Roma 11:20

Memang nantai bondar. Apo ingant obai sia' dipatahan obai sia' kinyo pocayo ko Yesus. Allah monorima' kaitn obai kaitn pocayo. Jadi, jangannam buhau obai kaitn monggonti'i sia'. Apo gola'cam agatn Allah!

Roma 14:18

Urakng inyo molayati Kristus agatn caro hidup ubo nantai, io monyonangan Allah ongko dihormati monsio.

Roma 3:5

Apo sama'an apo aman ado urakng inyo monggunoan pomikiran monsio, ongko bopandir sama'an ni'in, “Timpu kito jahat, hal nantai monunju'an obai Allah bondar. Jadi, aman Allah mohukupm kito, rotinyo Allah kinyo adil, pan?”

1 Korintus 12:25

Sio molabuhan nantai oca' boko bagian bukakng-tubuh nantai kinyo bosongkayo, apo salikng borotian inyo bukai.

1 Korintus 5:2

Apo kaitn bopangkakng obai porbuatan urakng nantai! Soharusnyo kaitn salu', ongko mongoluaran io doi' antaro kaitn.

2 Korintus 13:7

Koi bodoa ko Allah oca' kaitn jangan bulah kojahatan. Nantai bukainyo pakai' mombutian obai koi memang lulus ujian sobagai rasul Kristus. Nantai bukainyo tujuan koi. Tujuan koi ia'an oca' kaitn bulah koboi'an, monjumpati ajaran inyo bondar. Ongko biar pan kotiat'annyo koi co lulus ujian kinyo apo-apo.

2 Korintus 2:6

Sobagi'an bosar doi' kaitn udah monogurnyo, nantai pan udah cukupam

2 Korintus 6:4

Apo, dalapm somuo la'apo pan inyo koi pulah, koi monunju'an obai koi ninam boko urakng inyo molayati Allah. Ia'an nantai, koi hala sabar mohadapi bomacapm pondorita'an.

2 Korintus 7:1

Boko somadikan inyo ku kasihi! Somuo janji Allah nantai pakai' kito. Obai nantai, marabo kito monjago bukakng-tubuh ongko roh kito oca' borosih doi' somuo hal inyo jahat. Agatn sama'an nantai, kito mongkitn hidup husus pakai' Allah kapikng kito gola' agatn Sio.

2 Korintus 7:7

Hati koi dikuatan bukainyo aja' obai kodatakan Titus, apo io pan momadahan obai kaitn monguat'an hati io jam. Io momadahan ko koi obai kaitn rinduanaku, kaitn monyosal agatn porbuatan kaitn inyo salah sokomai, huatan ni'in kaitn bobondar honda' mondukukng ku. Somuo nantai bulah aku lobih sonang-nyamanam.

2 Korintus 7:9

Jadi, ni'in aku sonang, bukainyo obai kaitn salu', apo obai ponyalu' nantai bulah kaitn moninggalan dosa. Ponyalu' ubo nian sosuai agatn kohonda' Allah. Jadi, koi co morugian kaitn samo sokali.

2 Korintus 9:2

Obai, aku udah tohu kaitn bondar-bondar honda' moonji'i sumbakan pakai' nantai. Dalapm hal nantai, ko boko urakng di propinsi Makedonia Aku momuji kaitn. Aku momadahannyo ko sia' obai kaitn di propinsi Akhaya udah siap moonji'i sumbakan doi' tohutn komai. Jadi, somangant kaitn mombulah banya' doi' sia' honda' moonji'i sumbakan jam.

Efesus 4:26

Aman kaitn godi, jangan sampai mombulah kaitn bodosa. Kaitn gola' botongga' godi sobolupm matoari tonggolapm.

Efesus 5:11

Jangan kaitn jumpat molabuhan boko porbuatan urakng inyo ija' hidup dalapm kogolapan. Somuo nantai sia-sia ja'am. Apo kaitn gola' botindak oca' boko porbuatan sia' kotohuan.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

1 Tesalonika 4:6

Dalapm hal ni'in, jangan jam bulah dosa ko somadikan bukainyo inyo pocayo ko Yesus. Jangan monggogadati io. Obai Tuhatn paca'an mohukupm boko urakng inyo bulah dosa sama'an nantai. Sokomai, koi udah kalo moingant'an kaitn agatn togas mongona'i hal nantai.

1 Timotius 5:20

Sia' inyo bodosa gola' diolikan di hadapan jomaat. Kolai gola' moolikan sia' agatn caro nantai oca' somuo jomaat gola', lalu co honda' bulah dosa agi'.

2 Timotius 2:15

Bousahacam oca' Allah moanggap kolai siku' urakng inyo rajitn bokorojo. Jadicam siku' urakng pogai inyo kinyo gola' malu obai somuo pokoroja'annyo boi'. Ajarancam agatn topat ajaran inyo bondar.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

1 Petrus 1:17

Allah mohakipi somuo urakng sosuai agatn porbuatan sia' siku'-monyiku'. Sio kinyo momihak boko urakng totontu. Jadi, aman kaitn monyobut Sionam Bopai kaitn, jadi kaitn gola' hidup mohormati Sio, somanah kaitn monumpakng sobagai urakng asikng di dunia ni'in.

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

Yudas 1:23

Tulukng cam boko urakng nantai oca' sia' ulih disolamant'an doi' api. Apo kaitn gola' monunju'an koboi'an ko sia', apo agatn oso gola' jam. Jangan sampai kaitn jumpat bulah dosa. Bonci' cam pakai'an sia' inyo dikotori boko kohonda' dosa.

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.