2 Korintus 6:18 - Porjanjian Boharu Torjomahan Baso Dilakng Soari-ari

¹⁸ Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

2 Korintus 6:18 ပူးပေါင်းရင်းမြစ်များ

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Roma 8:29

Doi' komai, Allah udah tohu sopo inyo tajahan dipilih Sio. Doi' komai, Sio pan udah momutusan oca' sia' monjadi sorupo agatn Ana'-Nyo, Yesus. Agatn ubo nantai, Yesus monjadi Ana'-Nyo inyo potamo di antaro banya' somadikan.

Galatia 3:26

Kaitn udah monjadi poana'an Allah obai kaitn pocayo ko Yesus Kristus.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

Wahyu 21:22

Aku co moniant Rumah Allah di dalapm kota nantai. Obai, Tuhatn Allah inyo Maho Kuaso ongko Ana' Domba nantai am Rumah Allah pakai' kota nantai.

Roma 8:19

Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.