2 Korintus 6:16 - Porjanjian Boharu Torjomahan Baso Dilakng Soari-ari

¹⁶ Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

2 Korintus 6:16 ပူးပေါင်းရင်းမြစ်များ

Wahyu 21:3

Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.

Ibrani 8:10

Apo lopas watu nantai, sama'an ni'inan pojanjian inyo paca'an Aku pulah agatn umant Israel: Aku paca'an molota'an boko porintah-Ku dalapm pikiran sia'. Aku paca'an monulisnyo dalapm hati sia'. Aku paca'an monjadi Allah sia'. Sia' paca'an monjadi umant-Ku.

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.

1 Yohanes 4:15

Urakng inyo mongaku'i Yesus nam Ana' Allah, jadi Allah bosatu agatn urakng nantai huatan urakng nantai hidup bosatu agatn Allah.

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Yohanes 6:56

Sotiap urakng inyo bopua' isi-Ku huatan minum darah-Ku, sia' nam inyo bosatu agatn Aku huatan Aku bosatu agatn sia'.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

2 Timotius 1:14

Kolai udah dipocayoan boko hal inyo borogo. Jagocam boko hal nantai agatn kokuatan doi' Roh Allah inyo ado di dalapm kito.

1 Yohanes 4:12

Conyiant ado siku' urakng pan inyo kalo moniant Allah. Apo, aman kito hala mongasihi, jadi Allah bosatu agatn kito, huatan kito bondar-bondar ado kasih Allah dalapm hati kito.

Roma 9:26

Huatan di tompat di mono komai Allah bopandir ko sia', ‘Kaitn bukainyo umant-Ku,’ di tompat nantai jam Allah inyo hidup tajahan bopandir, ‘Kaitn nam poana'an-Ku.’ ”

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

Efesus 2:20

Kaitn samo sama'an rumah inyo ditinjakan di pucu' pondasi batu, ia'an boko rasul ongko boko nabi, huatan Kristus Yesus nantai sobagai batu inyo kotakng pontikng.

Matius 6:24

“Co mungkitn siku' urakng hulutn bokorojo pakai' duo urakng habakng. Aman io molabuhan hal nantai, io bayo paca'an mongasihi salah siku' habakngnyo apo bonci' agatn inyo siku'nyo. Io bayo paca'an sotia ko siku' habakng, apo kinyo sotia agatn inyo siku'nyo. Ubo nian jam agatn kaitn. Co mungkitn kaitn monjadi hulutn Allah huatan co mungkitn monjadi hulutn kodampuan kaitn.”

Wahyu 2:1

“Tuliscam pomandiran ni'in ko molekat inyo monjago jomaat di Efesus: Pomandiran ni'in doi' Sio, inyo monjujut kotujuh bintakng nantai di jari kanan-Nyo; doi' Sio inyo bojalatn di sapat kotujuh tihakng tompat molota'an pompolitoan nantai inyo dipulah doi' omas.

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Yohanes 14:23

Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

1 Korintus 10:21

Kaitn co ulih minum anggur doi' cangkir Tuhatn, sokaligus jam doi' cangkir roh jahat. Kaitn co ulih makatn doi' meja Tuhatn, sokaligus jam doi' meja roh jahat.

Efesus 2:22

Obai kaitn di dalapm Kristus, jadi kaitn pan monjadi bagian rumah nantai inyo ditinjakan monjadi kodiapan Allah, ia'an Roh-Nyo tinggal di dalapmnyo.

Yakobus 4:5

Hal nian sosuai agatn tulisan ni'in dalapm Buku Suci, “Allah mombulah Roh-Nyo bodiapm di dalapm diri kito. Roh Allah nantai monulukng oca' kito moncintai Sio lobih doi' kito moncintai boko hal bukai. Jangan kaitn bopikir tulisan nian co nyiant ado rotinyo.”

Lukas 5:36

Lalu Yesus mongajar agatn poumpamoan ni'in, “Co nyiant urakng inyo monambal baju buru' agatn kobiratan koitn doi' baju boharu. Obai baju inyo boharu nantai monjadi birat. Apotolagi' koitn doi' baju boharu kinyo cucu' agatn baju buru' nantai.