2 Korintus 6:14 - Porjanjian Boharu Torjomahan Baso Dilakng Soari-ari

¹⁴ Jangannam kaitn bosatu agatn urakng inyo kinyo pocayo inyo mombaba' kaitn monjouh doi' Kristus. Obai, co mungkitn urakng inyo boi' dapat bokumpul agatn urakng inyo jahat? Co mungkitn torakng ulih bosatu agatn golap?

2 Korintus 6:14 ပူးပေါင်းရင်းမြစ်များ

1 Korintus 15:33

Jangan biaran urakng bukai hala bulah kaitn salah bopikir! Ingant cam porbaso inyo mongatoan: “Pogaulan inyo buru' morusa' kolaku'an inyo boi'.”

1 Korintus 10:21

Kaitn co ulih minum anggur doi' cangkir Tuhatn, sokaligus jam doi' cangkir roh jahat. Kaitn co ulih makatn doi' meja Tuhatn, sokaligus jam doi' meja roh jahat.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

1 Korintus 5:9

Aku kalo monulis surat ko kaitn. Dalapm surat nian, aku monyiuh oca' kaitn monjouhi urakng inyo bomporajoan.

Filipi 2:15

Agatn ubo nantai, kaitn hidup agatn caro inyo bondar ongko borosih. Kaitn hidup ubo poana'an Allah inyo culih disalahan biar pan kaitn ado di tongah-tongah boko urakng inyo jahat ongko co mongonal caro hidup inyo bondar. Jadi, kaitn monjadi torakng bagi sia', samo sama'an boko bintakng inyo bocohayo di dunia ni'in.

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

1 Korintus 7:39

Mongona'i boko botina' balu agi'. Siku' urakng bini co ulih kawitn agatn urakng bukai somanah lakinyo ija' hidup. Apo aman lakinyo udah mati, botina' nantai uliham kawitn agi' agatn sopo ja' inyo io kohonda'i, asal urakng nantai pocayo ko Yesus.

Kisah Boko Rasul 4:23

Lopas jadi dibebasan, Petrus ongko Yohanes bobali' ko kolompok urakng pocayo. Ongko sia' duo mongisahan somuo inyo dipandiran boko imam kopala' huatan boko pomimpitn Yahudi inyo bukai.

1 Korintus 6:6

Apo ado somadikan inyo mongaduan somadikan di hadapan boko urakng inyo co pocayo.