2 Korintus 6:13 - Porjanjian Boharu Torjomahan Baso Dilakng Soari-ari

¹³ Jadi, watu ni'in biaram aku bopandir ko kaitn samo sama'an boko poana'anku siku' obai koi mongasihi kaitn, sobagai balasannyo Aku muhun: tunju'an cam kaitn pan mongasihi koi jam.

2 Korintus 6:13 ပူးပေါင်းရင်းမြစ်များ

Markus 11:24

Obai nantai am, Aku bopandir ni'in ko kaitn: La'apo aja' inyo kaitn pinto dalapm doa, pocayo cam obai Allah udah moonju'nyo ko kaitn. Lopasnyo, kaitn tajahan monorima'nyo.

Galatia 4:12

Ni'inan, boko somadikan, aku muhun oca' kaitn monjadi samo sama'an aku. Obai aku pan monjadi samo sama'an kaitn. Sokomai, kaitn hala boi' hati agatn aku.

Galatia 4:19

Uai boko poana'anku. Aku ajab sonsaro agi' samo sama'an siku' urakng botina' ajab sonsaro tongahan mohidap-porut. Aku paca'an hala ajab sonsaro sampai kaitn monjadi samo sama'an Kristus.

1 Tesalonika 2:11

Kaitn tohu koi hidup di antaro kaitn samo sama'an Bopai mondidik poana'annyo agatn kasih.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

1 Yohanes 3:7

Boko poana'anku! Jangan pocayo agatn ajarannyo salah doi' sopo pan. Urakng inyo hidup bondar di hadapan Allah nianam urakng inyo bondar, samo sama'an Kristus ia'an bondar.

3 Yohanes 1:4

Conyiant ado hal bukai inyo bulah ku lobih sonang daripado mondinga' obai boko poana'anku hidup sosuai agatn ajaran inyo bondar.