2 Korintus 6:10 - Porjanjian Boharu Torjomahan Baso Dilakng Soari-ari

¹⁰ Opat jam koi salu', apo hala adomo mooso sonang-nyamannyo. Koi jaro, apo bulah urakng banya' monjadi dampu dalapm Tuhatn. Koi conyiant ado la'apo pan, apo sobondarnyo koi dampu dalapm Kristus.

2 Korintus 6:10 ပူးပေါင်းရင်းမြစ်များ

Matius 5:12

Joman komai, boko nabi Allah pan dipoulahan sama'an nantai jam. Jadi, rindakng-rigahcam obai kaitn paca'an bodapat upah bosar di sorugo!”

Matius 5:4

Diborokaticam urakng inyo bulikng, obai sia' paca'an dikongkanti'i nononyo.

Lukas 6:21

Diborokati kaitn bayakan kolaparan watu ni'in, obai kaitn paca'an dikonyangan nononyo! Diborokati kaitn inyo monangis watu ni'in, obai kaitn tajahan rindakng totao nononyo!

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Kisah Boko Rasul 16:25

Pas tongah malapm, Paulus ongko Silas tongahan bodoa huatan bonyanyi puji-pujian ko Allah. Somuo tahatan inyo bukai mondinga'an sia'.

Kisah Boko Rasul 3:6

Apo Petrus bopandir, “Aku co nyiant duit omas ongko pira' pakai' monulukng kolai. Apo ado caro bukai aku ulih monulukng kolai: Agatn kuaso Yesus Kristus, doi' laman Nazaret, bojalatncam!”

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Roma 11:12

Boko banso bukai di dunia diborokati obai urakng Yahudi bodosa, gagal monuruti kohonda' Allah. Aman ubo nantai, pasti borokat-Nyo tajahan lobih banya' agi' aman urakng Yahudi bobali' agi' pocayo ko Allah.

Roma 12:15

Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Roma 9:2

Ia'an obai aku kotakan salu'. Hatiku susah

1 Korintus 1:5

Masudku, obai kaitn di dalapm Sio, jadi Sio momborokati kaitn dalapm somuo hal. Ia'an, kaitn monjadi mongkitn mampu mongoroti somuo macapm pongotohuan. Kaitn jam monjadi mongkitn mampu momandiran somuo hal nantai ko urakng bukai.

2 Korintus 2:4

Memang aku monulis surat nantai agatn hati inyo hancur ongko podih, ongko pan banya' moncucuran ara'i mato. Apo aku co honda' bulah kaitn monjadi salu'. Kohonda'ku oca' kaitn tohu kotakan bosar kasihku ko kaitn somuo.

2 Korintus 4:15

Koi mohadapi somuo pondorita'an nantai pakai' koboi'an kaitn. Nantai tojadi oca' mongkitn banya' urakng moalapi koboi'an Allah. Jadi, lobih banya' urakng bosukur ko Allah. Agatn ubo nantai, Sio dimuliaan.

2 Korintus 4:7

Kabar Boi' mongona'i Kristus inyo kotakan borogo nantai koi baba' dalapm diri koi inyo kinyo borogo, inyo dipulah doi' tanah. Agatn ubo nantai oca' nyata obai kuaso inyo luar biaso nantai boasal doi' Allah, bukainyo doi' diri koi siku'.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Efesus 3:16

Sio ia'an sumber somuo hal huatan kotakng mulia. Aku bodoa oca' Sio monulukng kaitn sosuai agatn sipat-Nyo nantai ia'an oca' Sio mombulah hati ongko jiwa kaitn kuat agatn kuaso doi' Roh-Nyo.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Filipi 4:4

Somuo kaitn gola' hala sonang-nyamanam di dalapm Tuhatn! Sokali agi' ku padahan: Sonang-nyamancam!

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

1 Tesalonika 1:6

Ongko, kaitn hidup agatn caro inyo samo sama'an koi, huatan samo sama'an Tuhatn Yesus jam. Masud aku, watu kaitn monjadi pocayo ko Yesus, kaitn kotakng di dorako'i. Apo kaitn totap pocayo Kabar Boi' nantai agatn rindakng-rigah doi' Roh Allah.

1 Tesalonika 5:16

Hala rindakng-rigahcam.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

1 Petrus 4:13

Apo, soharusnyo kaitn sonang obai kaitn mondorita' samo ubo Kristus jam. Agatn ubo nantai, kaitn tajahan sonang jam nononyo watu Sio datakng lalu monyatoan obai Sio bokuaso.

Wahyu 2:9

Aku tohu obai kaitn didorako'i obai pocayo ko Aku. Aku tohu obai kaitn jaro, apo ingant cam obai sobondarnyo kaitn dampu! Aku tohu obai kaitn dipojahat ulih boko urakng inyo monyobut dirinyo urakng Yahudi. Apo sobondarnyo sia' bukainyo anggota umant Allah. Sia' anggota umant Rajo Sitatn!

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.