2 Korintus 5:20 - Porjanjian Boharu Torjomahan Baso Dilakng Soari-ari

²⁰ Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

2 Korintus 5:20 ပူးပေါင်းရင်းမြစ်များ

Lukas 14:23

Lalu, habakng nantai monyiuh hulutnnyo, ‘Botula'cam ko boko jalatn bosar ongko ko boko sako jalatn di luar kota. Hundakngcam boko urakng doi' su'utn ko pogai ongko makatn jam. Kongkanti'icam sia' pakai' datakng, oca' rumahku bisi.

Efesus 6:20

Memang aku diutus pakai' momboritoan Kabar Boi' nantai. Nianam alasannyo aku ditamoan ko dalapm ponjara. Jadi, bodoacam oca' aku borani momadahan Kabar Boi' nantai, sama'an inyo gola' ku labuhan.

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

2 Korintus 3:6

Sio inyo bulah koi sanggup dalapm molayati pomboritoan mongona'i Pojanjian Boharu inyo Sio pulah pakai' monsio. Pojanjian Boharu nantai kinyo mongona'i monuruti boko porintah inyo ditulis, apo mongona'i monuruti Roh Allah. Obai, boko porintah inyo ditulis di Hukupm Torat nantai mombaba' komatian. Apo, Roh Allah mombaba' kohidupan.

Lukas 10:16

Lalu Yesus bopandir agi' ko sia' tujuh puluh murid inyo diutus tontai, “Urakng inyo mondingaꞌan kaitn, samo sama'an mondingaꞌan Aku siku'. Urakng inyo monula' kaitn, samo sama'an monula' Aku siku'. Urakng inyo monula' Aku, samo sama'an monula' Allah inyo moutus Aku.”

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

2 Korintus 12:10

Obai nantai am, aku sonang mohadapi bomacapm kosusahan pakai' molayati Kristus. Aku sonang aman aku lomah, aman aku dihanyam, aman aku mohadapi mosalah, aman aku disiksa, aman aku mondorita'. Obai, timpu aku lomah, watu nianam aku kuat.

Kolose 1:20

Allah pan bulah somuo hal ulih bokomboi'an agi' agatn Sio. Ia'an, somuo hal di bumi huatan di sorugo. Allah molabuhan nantai agatn darah Kristus inyo mati di kayu salib.