2 Korintus 5:19 - Porjanjian Boharu Torjomahan Baso Dilakng Soari-ari

¹⁹ Koi momboritoan obai molalu'i Kristus, Allah udah mombuka' jalatn oca' urakng ulih bodamai agi' agatn diri-Nyo. Sio kinyo mompohitukan kosalahan sia'. Sio udah moutus koi pakai' monyampaian kabar mongona'i podamaian nantai.

2 Korintus 5:19 ပူးပေါင်းရင်းမြစ်များ

1 Yohanes 4:10

Ninam kasih nantai, bukainyo kito inyo udah mongasihi Allah, apo Allah inyo udah mongasihi kito: Sio moutus Ana'-Nyo pakai' mati oca' kito dapat dibebasan doi' hukupan dosa.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Kolose 2:9

Obai, Allah ado soponuhnyo di dalapm diri Kristus.

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Yohanes 14:20

Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Roma 11:15

Watu Allah monula' banso Yahudi, boko urakng bukai di dunia ado kosompatan pakai' monjadi damai agatn Allah. Jadi, watu Sio monorima' banso Yahudi bobali' agi', pasti nantai tajahan samo sama'an sia' mati apo monjadi bobali' hidup agi'.

1 Korintus 13:5

Urakng inyo mongasihi nantai ia'an urakng kinyo botindak agatn kasar. Io kinyo bayo momikiran kopontikan dirinyo siku'. Io kinyo copat godi. Io kinyo moingant-ingant kosalahan urakng bukai.