2 Korintus 5:13 - Porjanjian Boharu Torjomahan Baso Dilakng Soari-ari

¹³ Aman ado urakng inyo moanggap koi gogilo, co apomo, obai porbuatan koi pakai' molayati Allah. Aman ado urakng inyo moanggap koi pintar corodi', nantai pakai' molayati kaitn.

2 Korintus 5:13 ပူးပေါင်းရင်းမြစ်များ

Markus 3:21

Boko urakng bopandir, “Sio gogilo am!” Pas koluarga-Nyo mondinga' nantai, sia' botula' pakai' momocaki Sio.

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

2 Korintus 11:1

Apo, aku muhun kaitn sabar agatn aku obai aku gola' sodikit bopandir ubo urakng budu inyo momuji dirinyo siku'. Memang kaitn sabar agatn aku.

2 Korintus 12:11

Aku torus momuji diri samo sama'an urakng budu. Apo kaitn momoso ku molabuhan nantai. Obai gola' kaitn am inyo momuji botulukan ku. Biar pan aku ni'in urakng inyo conyiant ado rotinyo, aku co kalah agatn boko urakng totontu nantai inyo kaitn anggap sobagai boko rasul inyo luar biaso.

2 Korintus 12:6

Umpamonyo aku totap honda' momuji diri, nantai kinyo boroti aku urakng inyo budu. Obai, aku ulih momuji diri mongona'i hal inyo bondar. Apo cuku molabuhan nantai oca' jangan ado urakng inyo bopikir aku kotakan hebat obai poniant'an nantai. Aku honda' oca' sia' bayo monilaiku bodasaran lapo inyo sia' tiat ku labuhan ongko lapo inyo sia' dinga' inyo ku pandiran. Kinyo lobih doi' nantai.

2 Korintus 7:12

Timpu aku monulis surat nantai ko kaitn, tujuannyo bukainyo bayo pakai' urakng inyo bosalah nian damo pakai' urakng inyo disalahan. Sobondarnyo, tujuan ku oca' kaitn monjadi sadar di pohadapan Allah obai kaitn kotakan mongasihi koi.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.

2 Timotius 2:10

Jadi, aku botahatn mohadapi somuo macapm ajab sonsaro oca' boko urakng inyo dipilih Allah dapat kosolamant'an molalu'i Kristus Yesus huatan hidup tohormat somanah-manahnyo.