2 Korintus 5:11 - Porjanjian Boharu Torjomahan Baso Dilakng Soari-ari

¹¹ Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

2 Korintus 5:11 ပူးပေါင်းရင်းမြစ်များ

Matius 10:28

Jangan gola' agatn sia' inyo bayo ulih mombunuh kaitn. Sia' kinyo bokuaso mombunuh jiwa kaitn. Apo kaitn harus gola' agatn Allah. Obai, Sio bokuaso mombonasoan jiwa ongko bukakng-tubuh kaitn di dalapm noraka!

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Lukas 12:5

Aku momadahan ko kaitn sopo inyo sobondarnyo gola' kaitn kogola'i. Gola'cam agatn Allah! Obai Sio kinyo bayo bokuaso mombunuh urakng. Sio pan bokuaso pakai' mombuakan urakng ko dalapm noraka! Jadi, sobondarnyo Sionam inyo gola' kaitn kogola'i.

Lukas 16:31

Apo Abrahapm bopandir, ‘Aman boko buku Musa huatan boko nabi kinyo cukup pakai' bulah sia' tongga' bulah dosa huatan hidup monyonangan hati Allah, pasti sia' pan paca'an kinyo pocayo biar pan siku' urakng hidup agi' doi' komatian.’ ”

Kisah Boko Rasul 13:43

Lopas jadi sombayakng, banya' urakng tuyut Paulus agatn Barnabas. Ado boko urakng Yahudi huatan boko urakng inyo bukainyo urakng Yahudi inyo udah pocayo ko Allah jam. Paulus ongko Barnabas mongajar somuo sia', obai Allah nantai boi'. Allah moamputi dosa somuo urakng inyo pocayo agatn Yesus. Koduo rasul nantai moanjuran oca' sia' totap pocayo ko koboi'an hati Allah nantai.

Kisah Boko Rasul 18:13

Sia' monuduh Paulus. Kato sia', “Urakng ni'in mongajar boko urakng pakai' monyombah Allah. Apo ajaran io bolawatan agatn boko porintah agama koi urakng Yahudi.”

Kisah Boko Rasul 18:4

Apo sotiap Ari Sabat, Paulus botula' ko rumah sombayakng agama Yahudi. Di santai io bopandir ko somuo urakng inyo datakng, boi' boko urakng Yahudi sama'an nian jam ko boko urakng Yunani. Io bousaha moyakit'an sia' oca' pocayo agatn Yesus.

Kisah Boko Rasul 19:26

Apo ni'inan kaitn siku' udah mondinga' ajaran Paulus. Io mongajar obai boko lompatukng sama'an inyo kito pulah, bukainyo duato apo bayo pulahan monsio mo. Kaitn siku' udah moniant obai Paulus udah morubah pomikiran banya' urakng, boi' pondudu' Efesus huatan pondudu' doi' somuo doerah di propinsi Asia.

Kisah Boko Rasul 26:26

Rajo Agripa pan udah tohu mongona'i boko hal ni'in. Obai nantai, aku ulih bopandir agatn torus torakng ko io. Aku yakitn obai io udah kalo mondinga' mongona'i boko hal ni'in. Pasti io tohu somuonyo obai boko hal ni'in tojadi di boko tompat inyo dikotohu'i urakng banya'.”

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Galatia 1:10

Agatn pomandiran nantai, udah jolas aku kinyo bousaha monyonangan monsio. Aku bayo bousaha monyonangan hati Allah mo! Soandainyo aku bousaha monyonangan monsio, nantai paca'an bulah aku co agi' monjadi hulutn umputn Rajo Inyo Dijanjian Allah.

Efesus 5:21

Kaitn gola' hala tundu' ko inyo bukainyo jam pakai' mohormati Kristus.

Ibrani 10:31

Jadi, ngeri' bondar aman urakng bodosa sama'an nantai huatan gola' dihukupm Allah inyo hidup.

Ibrani 12:29

Obai, Allah kito ia'an api inyo moloburan.

Yudas 1:23

Tulukng cam boko urakng nantai oca' sia' ulih disolamant'an doi' api. Apo kaitn gola' monunju'an koboi'an ko sia', apo agatn oso gola' jam. Jangan sampai kaitn jumpat bulah dosa. Bonci' cam pakai'an sia' inyo dikotori boko kohonda' dosa.