2 Korintus 4:2 - Porjanjian Boharu Torjomahan Baso Dilakng Soari-ari

² Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 4:2 ပူးပေါင်းရင်းမြစ်များ

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 6:21

Caro hidup kaitn inyo manah nantai mohasilan lapo? Watu ni'in, kaitn malu mongona'i somuo porbuatan nantai obai caro hidup nantai ongkah mombulah kaitn mati, topisah doi' Allah.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

2 Korintus 11:6

Mungkitn, dibandikan agatn sia', aku dianggap kurakng pandai bopandir. Apo aku kotakan mongotohu'i mongona'i ajaran inyo bondar. Nantai udah koi tunju'an ko kaitam sotiap watu dalapm boko hal.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

2 Korintus 6:8

Kadakng urakng mohormati koi, kadakng sia' mohanyam koi. Kadakng urakng momuji koi, kadakng sia' mongonjaha'i koi. Koi hala bopandir bondar, apo ado inyo bopikir obai koi monipu urakng.

2 Korintus 7:14

Sobolupm Titus monjongu' kaitn, aku momadahannyo ko io obai kaitn nam urakng inyo boi'. Jadi, kaitn co bulah aku malu. Koi hala momadahan boko hal inyo bondar ko kaitn. Ubo nian jam, somuo koboi'an kaitn inyo koi padahan ko Titus, somuo nantai tonyato bondar jam.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Efesus 5:12

Boko porbuatan inyo diombakan sia' nantai kotakng jahat. Aman kito kisahan pan mongona'i nantai, kito monjadi malu.