2 Korintus 4:16 - Porjanjian Boharu Torjomahan Baso Dilakng Soari-ari

¹⁶ Nantaiam sobabnyo koi co putus asa. Biar pan bukakng-tubuh koi cocat tuho goluam, apo hati koi doi' ari ko ari diboharu'i.

2 Korintus 4:16 ပူးပေါင်းရင်းမြစ်များ

Lukas 11:3

Onji'i koi pomakatn tiap ari socukupnyo.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Roma 7:22

Dalapm diriku, aku honda' somuo porintah huatan poraturan Allah dalapm Hukupm Torat.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

2 Korintus 12:15

Jadi, aku sonang mongurbatan umputnku. Malahan, aku siap monyorahan diriku siku' pakai' monulukng kaitn. Jadi, aman aku mongkitn mongasihi kaitn, pasti kinyo boi' aman kaitn mongkitn kurakng mongasihi ku!

2 Korintus 4:1

Allah monunju'an kasih sayang-Nyo dalapm polayatan ni'in ko koi. Obai nantai, koi co putus asa.

Efesus 3:16

Sio ia'an sumber somuo hal huatan kotakng mulia. Aku bodoa oca' Sio monulukng kaitn sosuai agatn sipat-Nyo nantai ia'an oca' Sio mombulah hati ongko jiwa kaitn kuat agatn kuaso doi' Roh-Nyo.

Efesus 4:23

Kaitn dipadahi pakai' borubah hati huatan pikiran kaitn

Kolose 3:10

Kaitn udah hidup agatn caro boharu. Allah inyo bulah hidup kaitn inyo boharu nantai. Sio hala bulah sipat kaitn samo sama'an Sio. Sio molabuhan nantai oca' kaitn bondar-bondar konal agatn Sio.

Titus 3:5

Nantai tojadi bukainyo obai boko porbuatan boi' kito, apo obai kasih sayang-Nyo ko kito. Allah molabuhan nantai molalu'i Yesus Kristus, Ponyolamant kito. Yesus moonji'i Roh Allah inyo monulukng kito oca' kito hidup agatn caro inyo boharu.

1 Petrus 3:4

Apo, bousaha pulah diri kaitn lobih boi' di dalapm hati, samo agatn hidup inyo lomah-lombut huatan tenang. Pomboi' ubo nian tahatn sampai somanahnyo huatan kotakng borogo di mato Allah.

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.