2 Korintus 3:12 - Porjanjian Boharu Torjomahan Baso Dilakng Soari-ari

¹² Obai koi yakitn moharap'an mongona'i hal nantai, jadi koi borani momboritoan mongona'i Pojanjian Boharu nantai.

2 Korintus 3:12 ပူးပေါင်းရင်းမြစ်များ

Yohanes 10:24

Ado boko urakng Yahudi datakng bokumpul di sokolilikng Yesus. Kato sia' ko Sio, “Boropo manah agi' Duatn mombiaran koi gangga'-gua'an! Aman Duatn memang Kristus, Rajo Inyo Dijanjian Allah, padahancam agatn torus torakng ko koi.”

Yohanes 16:25

Aku momadahan somuonyo nantai ko kaitn momakai poumpamoan. Apo nononyo Aku co ija' momadahannyo ko kaitn momakai poumpamoan. Aku paca'an momandiran torus-torakng ko kaitn mongona'i Allah Bopai-Ku.

Yohanes 16:29

Lalu, boko murid-Nyo bopandir, “Nah, watu ni'in Duatn bopandir torus-torakng, co momakai poumpamoan.

Kisah Boko Rasul 14:3

Apo, Paulus ongko Barnabas bodiapm cukup manah di su'utn. Agatn borani, sia' duo momboritoan Kabar Boi' mongona'i Tuhatn Yesus. Sia' duo bopandir biar pan urakng kinyo cucu' pakai' disolamant'an, apo Yesus totap monunju'an koboi'an hati-Nyo. Tuhatn Yesus moonji'i kuaso ko Paulus ongko Barnabas pakai' molabuhan bomacapm mujisat. Niannam caronyo Tuhatn mombutian obai somuo pomandiran sia' bondar.

Kisah Boko Rasul 4:13

Watu boko pomimpitn mondinga' rasul Petrus ongko rasul Yohanes bopandir agatn borani ubo nantai, sia' hiratn obai koduo rasul nantai bayo urakng biaso. Koduo rasul nantai kinyo bopondidikan. Boko pomimpitn nantai jam monyadari aman Petrus ongko Yohanes nantai murid Yesus.

Kisah Boko Rasul 9:27

Apo Barnabas monulukng Saulus. Barnabas mongonalan io ko boko rasul. Barnabas mongisahan sama'an apo Saulus udah moniant Tuhatn Yesus dalapm pojalatan ko Damsyik. Barnabas pan momadahan ko sia' obai Tuhatn Yesus udah bopandir ko Saulus. Io pan monjolasan obai Saulus udah momboritoan mongona'i Yesus agatn borani di Damsyik.

Kisah Boko Rasul 9:29

Saulus opat jam botikakng agatn boko urakng agama Yahudi inyo bobaso Yunani. Apo sia' kinyo pocayo ko Yesus. Sia' bogoyap caro pakai' mombunuhnyo.

1 Korintus 14:19

Apo watu urakng pocayo bokumpul pakai' sombayakng, tujuanku pakai' mongajar urakng bukai. Jadi, aku lobih momilih pakai' momandiran lima' kato pandir inyo ulih dimongoroti daripado boribu-ribu kato pandir dalapm baso roh inyo kinyo dapat dimongoroti urakng bukai.

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

2 Korintus 3:11

Hukupm Torat bayo somontaro apo Pojanjian Boharu somanah-manahnyo. Jadi, aman komai Hukupm Torat mulia, pasti Pojanjian Boharu lobih mulia.

2 Korintus 4:13

Samo sama'an inyo ado totulis, “Aku pocayo, jadi aku bopandir!” Na, koi pocayo jadi koi mongisahan mongona'i Yesus.

2 Korintus 7:4

Aku borani bopandir ko kaitn agatn torus-torakng. Apo, aku pan bangga bondar agatn kaitn. Biar pan koi mohadapi banya' pondorita'an, kaitn kotakan monguat'an hati koi. Jadi, hati koi kotakan sonang-nyaman.

Filipi 1:14

Solaitn nantai, watu ku di ponjara, aku monjadi toladatn bagi boko somadikan kito inyo pocayo ko Tuhatn Yesus. Kobanya'an doi' sia' monjadi mongkitn borani momboritoan Kabar Boi'. Sia' co gola' momadahan Pomandiran Allah nantai.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

Kolose 4:4

Bodoacam oca' aku ulih monyampaian hajat Sio nantai sojolas-jolasnyo.

1 Timotius 3:13

Obai urakng inyo molayati jomaat agatn boi' paca'an mongkitn dihormati. Sia' pan paca'an mongkitn borani momboritoan mongona'i kopocaya'an sia' ko Kristus Yesus.

Filemon 1:8

Obai nantai, sobagai somadikan inyo sosamo pocayo di dalapm Kristus aku ulih momorintah kolai molabuhan la'apo pan, inyo gola' kolai labuhan,